Dunelm Gasteplaas

Selfsorg

Kapasiteit: 21 persone
Inkloktyd: 14:00 tot 19:00
Uitkloktyd: 10:00
Adres: R711, Clarens, 9707, Vrystaat
Alle ouderdomme is welkom
Vanaf R1 200 per nag (plek vir 2)

Beskrywing

Dunelm Gasteplaas naby Clarens, is in die middel van die Brandwaterkom, in die Oos-Vrystaat naby die Lesotho-grens en is 'n gerestoureerde historiese herehuis op 'n wildsplaas geleë tussen die berge.

Verblyf word gebied op 'n werkende gasteplaas in ruim selfsorg-eenhede met pragtige uitsigte oor die plaas en sandsteenberge. Elke eenheid het 2 slaapkamers met en suite-badkamers. Elke kamer beskik oor 'n verwarmer. Die hoofslaapkamer is ingerig met 'n dubbelbed en die en suite-badkamer het 'n stort, wasbak, toilet, en verhitte handdoekreling. Die tweede kamer het 2 enkelbeddens en die en suite-badkamer is ingerig met 'n bad, wasbak, toilet, en verhitte handdoekreling. Al die nodige linne, komberse en handdoeke word voorsien. Komplimentêre lyfroom en seep vir die eerste nag is ingesluit.

Die ruim leefarea het 'n ingeboude gaskaggel en is smaakvol versier. Die leefarea beskik ook oor 'n LCD-TV met sekere DStv-kanale. Die kombuis is volledig toegerus met houtkaste en granietblaaie. Koffie- en teemaakgeriewe word voorsien, asook 'n komplimentêre glasie sjerrie of alkoholvrye vonkelwyn met aankoms. Ons voorsien ook 'n komplimentêre sak houtskool vir die eerste braai. Elke onderdakstoep het ingeboude braaigeriewe. Die eenhede word op versoek skoongemaak binne die reëls van COVID19, behalwe op Saterdae, Sondae en openbare vakansiedae, en parkeerplek word voorsien.

Gaste kan heerlik op die plaas gaan stap, wildkyk en swem. Die plaas is op die R711, net 17 km van Clarens af op pad na Fouriesburg.

Kry ’n Kwotasie