Eden Cottage White River

Selfsorg

Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Eden Self Catering, Uplands-weg, Witrivier, 1240, Mpumalanga
Alle ouderdomme is welkom
Vanaf R900 per nag, vir 2 mense

Beskrywing

Eden Cottage is op 'n 2 hektaar-plot reg langs die dorp Witrivier geleë. Dit is naby verskeie besienswaardighede soos die Krugerwildtuin, Graskop, Hazyview, die Sodwala-grotte, talle watervalle rondom Sabie asook die Botaniese tuin, Kaapse Hoop en vele meer geleë.

Eden Cottage is 'n losstaande selfsorghuis met 2 en suite-slaapkamers, 'n sitkamer en 'n eetkamer, 'n kombuis en 'n beskutte patio met ingeboude braaigeriewe. Die eenheid kan as geheel bespreek word en dit bied slaapplek vir 4 volwassenes en 1 kind.

Die 2 kamers, Lions en Buffalo kan ook apart bespreek word. Lions beskik oor 'n koninggrootte-bed, 'n badkamer, 'n leefkamer met 'n ekstra kleiner bed in die woonkamer, leefarea, 'n kombuis en 'n patio met braaigeriewe. Buffalo-kamer het 2 enkelbeddens wat saam as 'n koningingrootte-bed opgemaak kan word, 'n badkamer, 'n houtdek met 'n kombuis wat volledig toegerus is en 'n draagbare braai. Daar is ook DStv en gratis WiFi.

Daar is ook 'n enkelwoonstel, die Elephant-kamer, met 'n koninggingrootte-bed, 'n en suite-badkamer met 'n bad en 'n stort, 'n klein kombuis en 'n dek met 'n draagbare braai, 'n tafel en stoele.

Luxury Leopard Tent, die nuwe tent, staan op 'n sementvloer en bestaan uit 'n staalraam wat met seil bedek is. Daar is 'n skadunet oor die tent. Dit is toegerus met 'n koningingrootte-bed en 2 stapelbeddens (slaapplek vir 6 mense). Daar is 'n en suite-badkamer met 'n stort, wasbak, en toilet. Die kas het plek vir klere en daar is 'n spieëltafel en 'n haardroër. Voor die tent is daar 'n houtdek met 'n tafel, stoele en 'n ten volle toegeruste kombuis. Aan die een kant is daar 'n boma/lapa met 'n braai. Die houtdek het 'n uitsig oor die dam. Die tent is geskik vir 'n gesin of vriende wat wil deel. Minimum hoeveelheid gaste: 2.

Ons voorsien koffie, tee en tuisgemaakte beskuit in elke eenheid. Toiletware, linne en handdoeke word ook voorsien.

Al die kamers bied pragtige uitsigte oor die dammetjie en die tuin. Jou gasheer en -vrou is diereliefhebbers, so daar is hoenders, skape, 'n hond en watervoëls, soos ganse en visvangers op die hoewe. Gaste is meer as welkom om die diere te voer of om eiers in te samel. Die unieke Bloukuifloerie en ander skilderagtige voëlsoorte kom maak ook gereeld hier 'n draai. Die eiendom is beveilig met 'n elektriese heining en ons maak slegs van boorgatwater gebruik.

Kry ’n Kwotasie