Elephant Walk Retreat

Selfsorg

Kapasiteit: 38 mense
Inkloktyd: 14:00 tot 20:00
Uitkloktyd: 10:00
Adres: Krokodilbrug, Krugerwildtuin-grens, Krokodilbrughek, 1340, Mpumalanga
Alle ouderdomme is welkom
Vanaf R2 090 per nag (plek vir 3)

Beskrywing

Elephant Walk Retreat is net 'n klipgooi vanaf die Krokodilbrughek en bied 'n onverbeterlike uitsig oor die Krugerwildtuin en Krokodilrivier.

Dis 'n gewilde bestemming om allerlei wild soos die Groot 5 te sien. Die lodge doen gestand aan sy naam met sy indrukwekkende troppe olifante wat gereeld kom besoek.

Dis gerieflik, rustig, perfek geleë en bied 'n ongelooflike bosveld-ervaring aan gesinne en paartjies.

Ons maak voorsiening vir uiteenlopende behoeftes met verblyf wat wissel van basies tot luukse selfsorg. Daar is 9 eenhede, elk met 'n pragtige uitsig oor die rivier, en toegerus met 'n braai, yskas, mikrogolf en ketel. Die houthutte en groter chalets het volledige kombuisies, en die 2 kleiner, meer basiese eenhede het toegang tot 'n boskombuis.

Vind lafenis in die swembad, lees 'n boek onder die skadu in die lapa, ry na die Krugerwildtuin of geniet net die natuur en pragtige uitsig. Elephant Walk Retreat is ook 'n puik bestemming vir voël-entoesiaste.

Ons bied ook 'n rits buitelug-doendinge en uitstappies teen ekstra koste. Dit sluit wildritte in die Krugerwildtuin, staptoere, die Panoramaroete, Sudwalagrotte, daguitstappies na Swaziland en Mosambiek se strande, en visvang in.

Die naaste dorp, Komatipoort, is net 12 km van ons af en bied restaurante en winkels. Lughawevervoer kan teen ekstra koste gereël word.

Kry ’n Kwotasie