Elim Bed & Breakfast

B&B

Kapasiteit: 20 persone
Inkloktyd: 12:00 tot 00:00
Uitkloktyd: 10:00
Adres: 6 Piet Fransman Straat, , Kuilsriver, 7583, Wes-Kaap
Alle ouderdomme is welkom
Vanaf R950 per nag, vir 2 mense

Beskrywing

Elim Bed & Breakfast is naby Stellenbosch se wynroete geleë wat die bekenste wynroete in die land is. Daar is 'n verskeidenheid ander besienswaardighede en geriewe in die omgewing, soos konferensiesentrums, 2 manjifieke gholfbane, winkelsentrums, rolprentteaters, 'n gimnasium, topgehalte restaurante en voetslaanpaaie.

Daar is 10 elegante en gerieflike en suite-kamers. Elke kamer beskik oor 'n TV met M-Net en DStv, telefoon (slegs interkom), yskassie, gehalte-linne en handdoeke, koffie- en teemaakgeriewe, skryflessenaar/werkstasie vir die sakereisiger en student, gratis WiFi, 'n privaat ingang, plafonwaaier en 'n elektroniese kluis. Die volgende is op versoek beskikbaar: 'n haardroër, strykgeriewe, 'n gratis koue filterwater wat 24 uur beskikbaar is, lugversorging en onderdakparkeerplek op die perseel agter afstandbeheerde hekke op 'n eerste-gesien-eerste-bedien-basis.

Ons het 'n lieflike patio met 'n omheinde swembad om in te ontspan en daar is ook braai- en kroeg-geriewe waar sakereisigers én vakansiegangers tuis sal voel en hul batterye kan herlaai. Ons lewer diens met 'n glimlag en by Elim sal jy so tuis soos by jou eie huis voel, of jy nou hier is vir sake of plesier.

Die nuwe Zevenwacht Winkelsentrum is ook net 2 km van ons af en die Zevenwacht Wynlandgoed met sy uitmuntende restaurant is ook die besoek werd. Kaapstad en die bekende waterfront is net 30 km van hier af en Stellenbosch net 20 km. Bloubergstrand en Gordonsbaai is net 25 km van ons af. Dit plaas Kuilsrivier reg in die middel van die Kaapse Skiereiland wat Elim B&B dus die ideale blyplek maak as jy die Wes-Kaap wil verken.

Kry ’n Kwotasie