Fairview Cottages

Selfsorg

Gratis kansellasie tot 24 uur voor jou verblyf!
Kapasiteit: 8 persone
Inkloktyd: 14:00 tot 21:00
Uitkloktyd: 10:00
Adres: Van Zylstraat 4, Clarens, 9707, Vrystaat
Alle ouderdomme is welkom
Vanaf R900 per nag, vir 2 mense

Beskrywing

Fairview Cottages bied gemaklike selfsorg-akkommodasie in die dorpie Clarens, stapafstand van verskeie winkels en restaurante af. Clarens is aan die voorheuwels van die Malutiberge - 3 bergreekse wat ouer as die Alpe is - geleë en is naby die Golden Gate Nasionale Park.

Die akkommodasie bestaan uit 3 lieflike selfsorg-kothuise: Garden View, Titanic View en Eagle's View. Al die eenhede het 'n dubbelbed, en suite-badkamer, 'n eetarea en 'n kombuisie wat toegerus is met 'n yskassie, mikrogolfoond, stoof en koffie- en teemaakgeriewe. Ander geriewe sluit 'n TV met sekere DStv-kanale en 'n DVD-speler met 'n verskeidenheid films. Elektriese komberse, beddegoed en badhanddoeke word voorsien. Buite is daar veilige parkeerplek beskikbaar vir gaste.

Clarens staan bekend as die "juweel van die Vrystaat" as gevolg van die natuurskoon. Die dorpie is in 'n natuur-beskermingsgebied geleë en bied lieflike staproetes na die spitse van die sandsteenberge, wat asemrowende uitsigte oor die dorp, Malutiberge en die golwende koring- en mielielande bied.

Die dorp is ook bekend vir sy kunsroete, verskeidenheid winkels, boetiek bierbrouery en restaurante. Die ou sandsteen geboue beklemtoon die historiese egtheid van die dorp. Clarens is die ideale wegbreekplek vir stadsjapies wat van Johannesburg, Bloemfontein en Durban af reis. Die stede is almal omtrent 300 km van Clarens af weg.

Fairview Cottages is ideaal geleë om die winkels, restaurante, kunsateljees, plaaslike kerke en staproetes te bereik. Die naaste restaurant is net 3 geboue van ons af en die spruit-wandelpaadjie begin skaars 40 m van ons voorhek af!

Kry ’n Kwotasie