Fairview Estates

Selfsorg

Soos Gesien op Facebook
Kapasiteit: 23 persone
Inkloktyd: 14:00 tot 19:00
Uitkloktyd: 10:00
Adres: Fairview Estates, Fouriesburg, 9725, Vrystaat
Alle ouderdomme is welkom
Vanaf R2 000 per nag, vir 2 mense

Beskrywing

Fairview Estates is naby Fouriesburg op die grens van Vrystaat en Lesotho geleë. Die landgoed bestaan uit plase met Bonsmara-beeste, Appaloosa-perde en alpakkas. Hierdie plase bied asemrowende natuurskoon en die ideale geleentheid om werklik uit die stad te ontsnap.

Fairview Estates beskik oor 3 verblyf-opsies: Twin Towers, De Rust Farm Cottage en die Damn Caravan. Let asb. dat 'n ordentlike SUV-voertuig benodig word om die De Rust Farm Cottage te bereik. Al die eenhede het gemaklike beddens, elektriese komberse, olieverwarmers en skoon, wit perkallinne.

Die sitarea in die Damn Caravan het 'n klein Queen Anne-houtstoof vir koue winteraande en al die beddens het warmwatersakke. The Damn Caravan spog ook met 'n Victoriaanse buitebad vir romantiese gaste. Twin Towers het ook 'n klein kaggel in die sitarea vir koue winteraande. De Rust het 'n braaikamer met sitplek. De Rust en Twin Towers het elkeen 'n slim-TV met Netflix sodat gaste by hul eie rekeninge kan inteken. Damn Caravan het WiFi.

De Rust Farm Cottage spog met sy eie houtvuur-warmbad en 'n Dover-kaggel vir winterdae. Die Damn Caravan maak egter van gas vir die stort, oond en yskas-vrieskas gebruik. Damn Caravan het ook 'n klein sonpaneelstelsel wat elke vertrek van 'n lig en kragpunt voorsien. Die draagbare LED-ligte en kerse kan ook gebruik word indien nodig.

Al 3 die verblyfopsies het gratis WiFi, maar daar is nie normale selfoonsein op die plaas nie.

Alle gaste het toegang tot die gemeenskaplike swembad net agter die Twin Towers, wat 'n sementplaasdam met fonteinwater is.

Kry ’n Kwotasie