Featherbed Apartment

Selfsorg

Kapasiteit: 2 persone
Inkloktyd: 14:00 tot 19:00
Uitkloktyd: 10:00
Adres: Alameinweg 14, Somerset-Wes, 7130, Wes-Kaap
Alle ouderdomme is welkom
Vanaf R720 per nag (plek vir 2)

Beskrywing

Featherbed Apartment is in die hartjie van Somerset-Wes geleë en spog met die mooiste uitsigte oor die Hottentots-Hollandberge en die Helderberge.

Die woonstel is elegant en het 'n privaat ingang en balkon. Daar is 'n groot leefarea, kombuisie, aparte slaapkamer met 'n ekstra-lengte koninggrootte-bed en 'n en suite-badkamer met 'n stort. Die kamer kyk na die noorde met lieflike uitsigte oor Helderberg, die tuin en swembad. Daar is 'n broodrooster, yskas, mikrogolfoond, gasstoof en 'n ontbyttoonbank in die kombuisie.

Gaste geniet ook toegang tot die groot swembad, hulle eie parkeerplek van die straat af in die skaduwee en gratis WiFi. Die woonstel word daagliks skoongemaak en die perseel word beveilig met 'n sekuriteitshek en elektriese omheining.

Featherbed Apartment is net 20 minute van Kaapstad Internasionale Lughawe af geleë. Kaapstad is net 40 minute se ry van ons af en jy kan die beroemde V&A Waterfront, Tafelberg en Robbeneiland besoek. Daar is ook heelwat pragtige strande en natuurreservate om te verken. Die woonstel is ideaal geleë sodat gaste rustig Hermanus, 'n seekant-toevlugsoord, toe kan ry en ook Franschhoek, 'n bekoorlike dorpie, kan besoek.

Kry ’n Kwotasie