Festina Lente in Onrus

Selfsorg

Gratis kansellasie tot 24 uur voor jou verblyf!
Kapasiteit: 6 persone
Inkloktyd: 14:00 tot 21:00
Uitkloktyd: 10:00
Adres: De Kocksingel 5, Onrus, 7201, Wes-Kaap
Alle ouderdomme is welkom
Vanaf R2 400 per nag, vir 6 mense

Beskrywing

Festina Lente in Onrus bied gerieflike selfsorgverblyf in die kusdorp Onrus. Die huis is 15 minute se stap vanaf 'n swemstrand en 10 minute se ry vanaf die Hemel-en-Aardevallei se wynplase.

Dié ongekunstelde huis met ongepleisterde mure en 'n plankvloer wat kraak, bied slaapplek aan 6 gaste en het 3 slaapkamers, 2 en suite-badkamers, 'n kompakte leefarea en kombuis. Die 2 slaapkamers onder het elkeen 'n koningingrootte-bed en 'n en suite-badkamer met 'n stort. Daar is 'n slim-TV en 'n skuifdeur na buite in een van die slaapkamers.

Die boonste vertrek het 'n oopplan-uitleg met 'n slim-TV en tuisbiblioteek aan die een kant, 'n koningingrootte-bed en 'n oopplan-badkamer met 'n Victoriaanse bad, toilet en 'n wasbak aan die ander kant. Die vensters strek tot by die plafon en bied 'n uitsig op die Plooiberge en die pragtige agtertuin.

'n Gasgeyser en -stoofplaat is geïnstalleer, asook 'n omsetter en 'n battery om te verseker dat noodsaaklikhede soos ligte, TV, selfone en rekenaars tydens beurtkrag gebruik kan word. Duidelike veiligheidsinstruksies word voorsien.

Vir kleuter-veiligheid kan die trappe en boonste vertrek met 'n traphek afgesper word.

Die kombuisie is met 'n 271 L-yskas-vrieskas, vierplaat-gasstoof, konveksie-mikrogolfoond en kombuisware toegerus. Daar is 'n tweede 176 L-koelkas in die ontvangskamer wat ideaal vir koeldrank is. Ander geriewe sluit 'n heerlike groot onthaal- en braai-area buite in sowel as 'n slim-TV met toegang tot YouTube, 'n DVD-speler en veilige parkeerplek in. Daar is ook 'n tuisbiblioteek en 'n stapel DVD's vir gaste om te geniet. Onbeperkte WiFi is beskikbaar.

Daar is genoeg tafels wat as lessenaars kan dien vir minstens twee werkstasies vir diegene wat 'n plek soek om vir 'n paar dae op die platteland te bly terwyl hulle steeds van die huis af werk.

'n Groot trekpleister is dat vierpoot-familielede ook teen 'n dagtarief welkom is. Die erf is omhein en groot genoeg vir gehoorsame honde om in te speel.

Onrus bied aktiwiteite soos swem by Onrusstrand, boeremarkte met heerlike kos en gesellige atmosfeer, walviskyk vanaf Hermanus se kranse, 'n groot verskeidenheid restaurante, wynproe by wêreldbekende wynplase soos Creation en Bouchard Finlayson in die Hemel & Aardevallei, visvang, bergfietsry, gholf by Arabella of Hermanus of stap in Fernkloof se fynbosnatuurreservaat.

Kry ’n Kwotasie