Finistere

Selfsorg

Gratis kansellasie tot 24 uur voor jou verblyf!
Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Golfstraat 10, L'Agulhas, 7287, Wes-Kaap
Alle ouderdomme is welkom
Vanaf R1 000 per nag (plek vir 2)

Beskrywing

Finistere is in L'Agulhas en bied gehalteverblyf aan 'n gesin of 'n groep vriende. Dit is naby verskeie winkels, restaurante, die strand, aktiwiteite en besienswaardighede.

Dié eiendom met sonkrag bied verblyf in 2 woonstelle in 'n trippelverdiepinghuis en spog met 'n uitsig oor die Indiese Oseaan en die bekende vuurtoring.

Die eerste eenheid is op die grondverdieping en het slaapplek vir 2 volwassenes en 'n kind. Dit het 'n slaapkamer met 'n koningingrootte-bed en 'n slaapbank. Die en suite-badkamer het 'n stort, toilet en 'n wasbak. Daar is 'n kombuisie met 'n mikrogolf, tweeplaatgasstoof, 'n yskas en koffie- en teemaakgeriewe. Dit is ideaal vir verhit-en eetgeriewe. Die onderdakstoep bied lieflike braaigeriewe met 'n tafeltjie met 2 stoele. Parkeerplek is op die grasperk voor die woonstel.

Die tweede woonstel is op die derde verdieping, het slaapplek vir 5 gaste en beskik oor 2 slaapkamers.

Elke kamer het 2 enkelbeddens wat op versoek in 'n koninggrootte-bed omskep kan word, asook 'n en suite-badkamer met 'n stort, toilet en 'n wasbak. Die kamers bied oorgenoeg kasruimte. Die ruim leefarea het gemaklike sitplek en 'n slaapbank, en die kombuis is volledig met 'n tweeplaatgasstoof, yskas, mikrogolfoond, tee- en koffiemaakgeriewe, breekware en eetgerei toegerus. Die leefarea lei na 'n onderdakbalkon met 'n pragtige uitsig oor die see. Die woonstel het ook 'n binnebraai met vlekvrye staaldeure. Die eenheid word bereik deur 'n stel trappe bereik.

Die 2 eenhede word apart verhuur.

Kry ’n Kwotasie