Fisant, Bokmakierie & Hoephoep

Gastehuis

Kapasiteit: 26 persone
Inkloktyd: 14:00 tot 19:00
Uitkloktyd: 10:00
Adres: Thoi Oosthuizen-straat 8 & 9, Panorama, Bethlehem, 9700, Vrystaat
Alle ouderdomme is welkom
Vanaf R1 150 per nag, vir 2 mense

Beskrywing

Atmosfeer, aandag aan detail en persoonlike diens maak Fisant-gastehuis voorwaar spesiaal. Ons is in die hartjie van die ongelooflike Sandstone Country in die dorpie Bethlehem. In hierdie rustige omgewing met sy pragtige tuine kan jy heerlik en in styl kom ontspan.

Gasheer en -vrou Du Toit en Sonia Human het ’n heerlike, elegante en gesellige atmosfeer geskep vir sakereisigers en vakansiegangers.

Ons 17 bekoorlike en suite-slaapkamers met aparte ingange is kunssinnig versier en sluit al die geriewe in wat aan ons ’n 4 ster-gradering besorg het. Elke kamer het 'n TV met M-Net en sekere DStv-kanale, koffie- en teemaakgeriewe met tuisgebakte beskuit, verwarmers en elektriese komberse vir daardie koue Bethlehem-winternagte.

Van ons kamers is vir selfsorg toegerus, elk met sy eie unieke karakter, en bied toegang tot patio’s en ’n lieflike tuin. Die kombuise is volledig toegerus met ’n yskassies, mikrogolfoonde en eetgerei. Braaigeriewe is op versoek beskikbaar. ’n Paar van ons kamers het sitkamertjies waar jy na ’n lang, harde dag se werk kan agteroor sit. Ons het ook gemeenskaplike sitkamers met gesellige houtkaggels, musiek, goeie leesstof, yskassies en privaat ingange. Hierdie mooi, ruim sitkamers is ideaal vir koue winteraande.

Al ons gaste het toegang tot veilige onderdakparkeerplek. Gaste betree ons perseel via elektroniese hekke en die perseel word beveilig deur 'n sekuriteitsheining.

Gaste kan soggens 'n heerlike buffet-ontbyt geniet en heerlike aandetes is weeksaande op versoek beskikbaar.

Fisant-gastehuis is in ’n stil woonbuurt geleë, naby die vernaamste restaurante, winkelsentrums en die Mediclinic Hospitaal.

Bethlehem is in die mooie Oos-Vrystaat, net 'n entjie se ry vanaf die rustige Clarens, en bied maklike toegang tot plekke soos Golden Gate Nasionale Park, Drakensberg Wêrelderfenisgebied en Lesotho. Bethlehem dien ook as ’n gerieflike plattelandse oornagplek waar jy ook al vandaan kom of heen gaan!

Kry ’n Kwotasie