Fordoun Hotel and Spa

Hotel

Kapasiteit: 46 persone
Inkloktyd: 14:00 tot 19:00
Uitkloktyd: 10:00
Adres: R103, Fordoun Hotel en Spa, Nottingham-weg, 3280, KwaZulu-Natal
Alle ouderdomme is welkom
Vanaf R3 080 per nag, vir 2 mense

Beskrywing

Fordoun Hotel en Spa is in Nottinghamweg in KwaZulu-Natal se Middellande aan die voorheuwels van die Drakensberge geleë. Die hotel is in die groen weivelde van 'n suksesvolle melkplaas, met 'n geskiedenis wat terug dateer na die 1800's. Die oorspronklike plaasgeboue is omskep in 'n elegante, atmosferiese spa, hotel en restaurant met 'n verskeidenheid spa- en ontspanningsgeriewe.

Verblyf word gebied in 23 suites wat in 3 kategorieë verdeel kan word: luukse-, "deluxe"- en superior suites. Fordoun Farm Village is in 'n rustige landelike omgewing wat 'n panoramiese uitsig op die Drakensberge bied en 'n gevoel van ontspanning en romanse skep.

Die Skye Bistro spog met eersteklas etes en gebruik vars plaaslike produkte. Dis 7 dae per week oop vir hotelgaste en besoekers op soek na uitstekende kos in 'n rustige omgewing. Die restaurant, met sy brandende kaggelvure in die winter of uitsig van die sonsondergang en heuwels vanaf die stoep, is die ideale plek vir 'n ontspannende ete. Die restaurant maak voorsiening vir alle behoeftes; dit bied 'n plaasontbyt, 'n ligter kafee-middagete en heerlike aandetes.

Fordoun bied 'n groot verskeidenheid spa-behandelings en spog met 'n span kundiges soos masseurs, Reiki- en Bio-energie spesialiste, 'n tradisionele Afrika-geneser en hoogs opgeleide skoonheidspesialiste. Die spa bied behandelings wat internasionaal bekroon is, 'n binne-swembad, gimnasium, sauna, stoomkamer, Vichy-stort, hidroterapie kamer en behandeling-suite met 'n hidroterapiebad vir paartjies.

Die Fordoun-konferensiesentrum kan spyseniering doen vir 'n maksimum van 40 konferensiegangers. Die sentrum bied kwaliteit toerusting en hulpbronne vanaf die Fordoun Spa en Skye Restaurant is ook beskikbaar. Die ruim konferensiekamer het 'n hoë plafon en is ideaal vir verskillende geleenthede en funksies. Die opgeknapte skuur wat by die Fordoun Farm Village geleë is, het 'n pragtige uitsig oor die majestueuse Drakensberge en is ideaal vir troues.

Kry ’n Kwotasie