Fouriesburg Country Inn

Hotel

Kapasiteit: 51 persone
Inkloktyd: 14:00 tot 21:00
Uitkloktyd: 10:00
Adres: Reitzstraat 17, Fouriesburg, 9725, Vrystaat
Alle ouderdomme is welkom
Vanaf R1 600 per nag, vir 2 mense

Beskrywing

Die Fouriesburg Country Inn is in 1892 gestig en bied gemaklike verblyf in 'n plattelandse hotel wat in die klein Oos-Vrystaatse dorpie, Fouriesburg geleë is. Die hotel is sowat 10 minute se ry vanaf die Caledonspoort-grenspos na Lesotho wat bekend is vir sy sneeubedekte pieke in die winter. Die hotel se ligging is ideaal vir mense wat lief is vir ski en 4x4.

Verblyf is beskikbaar in 6 luukse kamers en 22 standaardkamers. Die luukse kamers is in die Voesie Maarman-gebou wat in die tuin geleë is, en elke kamer het 'n en suite-badkamer met 'n bad en 'n stort, asook tee- en koffiemaakgeriewe, 'n TV en 'n kroegyskassie. Elke standaardkamer het 'n en suite-badkamer met 'n bad of 'n stort en is ingerig met tee- en koffiemaakgeriewe en 'n TV.

Geniet 'n à la carte-ete in ons restaurant en kies 'n bottel wyn van die kelder op die perseel. Etes word bedien in die elegante eetkamer met sy oregondennemeubels, moderne flair en rustieke afwerkings, en die liggies, kerse en die kaggel wat in die wintermaande aangesteek word sorg dat daar 'n knus, gesellige atmosfeer in die eetkamer heers. Elke Sondag bied die hotel 'n oestafel. Gaste kan 'n cappuccino of latte saam met hul ontbyt geniet. Die hotel maak ook voorsiening vir spesiale geleenthede en romantiese etes in die wynkelder kan op versoek gereël word.

Gaste kan verskeie besienswaardighede in die omliggende area geniet soos die Golden Gate Highlands Nasionale Park, die Malutiberge, toere tydens die kersieseisoen, Clarens se bierfees, die Boesmanskrans-staproete naby Fouriesburg, Fouriesburg se kuns en Afriski in Lesotho. Fouriesburg is sowat 246 km van Bloemfontein, 314 km van Johannesburg en 412 km van Durban af.

Kry ’n Kwotasie