LEKKE
PLEKKE
LEKKE
PRYSE
LEKKE
VEILIG
 by Ganora Guest Farm & Excursions | LekkeSlaap
+83

Ganora Guest Farm & Excursions

Gastehuis
  • Soos Gesien op Facebook
  • Kapasiteit: 46 persone
  • Inkloktyd: 14:00 tot 22:00
    Uitkloktyd: 10:00
  • Adres: Ganora Plaas, Nieu-Bethesda, 6286, Oos-Kaap
  • Alle ouderdomme is welkom
  • Vanaf R360 per nag, vir 2 mense

Beskrywing

Ervaar ware Karoo-gasvryheid wanneer jy Ganora, 'n werkende skaapplaas sowat 7 km vanaf die wêreldbekende dorpie Nieu-Bethesda besoek. Nieu-Bethesda is in die voorheuwels van die majestueuse Sneeuberge geleë. Dit is net 60 km vanaf Graaff-Reinet in die hartjie van die Karoo. Die plaashuis en gastekothuise is versteek in 'n kloof wat deur eerstydse riviere in pre-historiese tye in die klipperige grond gekerf is. Die omliggende rotsformasies en fossielbeddings op die plaas is die bewys van die gebeure wat gelei het tot die vorming van hierdie enorme en pragtige landskap.

Verblyf word aangebied in B&B-kamers, 'n selfsorgkothuis en 'n boskampeerterrein vir 4x4-karavane en tente.

Die selfsorgkothuis, die Khoi San Kothuis, is ongekunsteld dog gemaklik en het slaapplek vir tot 6 gaste. Die kothuis beskik oor 3 slaapkamers, 2 badkamers, 'n kombuis, sitarea en 'n stoep met braaigeriewe.

B&B-verblyf word aangebied in die Ou Kraal wat standaard dubbel- of 2-enkelbedkamers bied, en The Shed wat groter dubbel- of 2-enkelbedkamers het. Elke kamer het 'n en suite-badkamer. Hierdie kamers, soos die kothuis, was destyds skaapkrale of steenkool- en enjinkamers. Nou bied hierdie kamers met hul dik, oneweredige klipmure gerieflike verblyf met ongekunstelde sjarme. Ontbyt is by die tarief ingesluit vir hierdie kamers.

Die groot boskampeerterrein het 6 staanplekke met elektrisiteit en 6 staanplekke sonder elektrisiteit. Hierdie staanplekke het braaigeriewe. Die ruim ablusieblok het warmwaterstorte. Gaste word aangeraai om 'n voertuig met 'n hoë grondvryhoogte, 4x4 en/of 'n 4x4-karavaan te gebruik.

Maaltye kan op versoek voorsien word teen ekstra koste, en kan in die opstal se eetkamer, op die stoep, in die groot eetsaal of soms in die tuin onder die skadubome bedien word. Na aandete sal gaste een van die beste sterrekyk-geleenthede in die land kan ervaar. Daar is ook 'n swembad, plaas-reservoir en 'n plaasdam om in af te koel.

Ganora is 'n werkende merino-skaapstoetplaas, dus kan gaste kyk hoe die skape geskeer en aangekeer word. Kinders kan die hanslammers voer. Begeleide toere is beskikbaar om boesman-rotskuns te besigtig. Fossielpraatjies in 'n privaat museum, fossielwandelinge en medisinale plant-wandelinge kan ook gereël word. Avonturiers kan gaan bergfietsry, voetslaan, swem in die rivierpoele, voëlkyk of Kompasberg probeer uitklim. Gaste kan ook Nieu-Bethesda gaan verken, die Uilhuis en Camel Yard van Helen Martins besoek, die koffie- en kunsvlytwinkels verken of op 'n donkiekartoer gaan. Gaste sal ook die manjifieke Karoo-sonsondergange en die wye, oop ruimtes kan waardeer.

Kenmerke

Afrikaans
Swembad
Braaiplek
Veilige Parkering
Gratis WiFi

Geriewe

  • 24-uur Ontvangs
  • Kroeg
  • Swembad
  • Braaiplek
  • Speletjieskamer
  • Kombuisgeriewe
  • Wasgoeddiens
  • Geen Rook Binnenshuis
  • Restaurant op Perseel
  • Selfsorg
  • Daaglikse Skoonmaakdiens
  • Gratis WiFi
  • WiFi

Aktiwiteite op perseel

  • Voëlkyk
  • Fietsry
  • Begeleide Wandelpaaie
  • Bergfietsroetes
  • Swem

Aktiwiteite Naby

  • Voëlkyk
  • Fietsry
  • Wildkyk
  • Begeleide Wandelpaaie
  • Bergfietsroetes
  • Tennis

Hier praat ons

  • Afrikaans
  • Engels
  • Nederlands
  • Vlaams

Maaltye Aangebied

  • Kamerbediening
  • Ontbyt
  • Aandete Op Versoek
  • Middagete
  • Piekniekmandjies Op Versoek
  • Tee
  • Etes Op Versoek

Parkeerplek

  • Veilige Parkering
  • Parkering Van Die Straat Af

Betaalopsies op Perseel

  • Visa
  • Mastercard
  • Kontant
  • Elektroniese Fondsoorplasing

Opsomming van Resensie

4.7 uit 5van 62 resensies vir Ganora Guest Farm & Excursions
Netheid
4.8/5
Diens
4.9/5
Ligging
4.7/5
Veiligheid
4.8/5
Waarde vir geld
4.5/5

Ligging

  • Ganora Plaas, Nieu-Bethesda, 6286, Oos-Kaap
  • Gaste dink Ganora Guest Farm & Excursions het ’n uitstekende ligging
Kliek hier om die ligging se sien
Sien kaart
Vanaf
Vanaf R360
per nag, vir 2 mense
Vanaf
Vanaf R360
per nag, vir 2 mense
Maak 'n Bespreking
  • Kapasiteit: 46 persone
  • Inkloktyd: 14:00 tot 22:00
    Uitkloktyd: 10:00
  • Adres: Ganora Plaas, Nieu-Bethesda, 6286, Oos-Kaap
  • Alle ouderdomme is welkom
https://travelground.imgix.net/AAEAAQAAAAAAAAAAAAAAJDc1ZDFiNWYyLWVlMzItNDJhYy1iYzBhLTdlMzcyOTdiZGYwNw?w=1440&h=960&fit=crop&auto=enhance,format,compress&q=80 Vanaf R360  per nag, vir 2 mense 62 5 1 5 Ganora Farm Nieu-Bethesda 6286 Oos-Kaap 086 999 0018 14:00-22:00 10:00 -31.854593129728 24.59193982209
Stem vir ons in die World Travel Awards!

Stem vir ons in die World Travel Awards!

stem
stem