Garden Retreat

Gastehuis

Gratis kansellasie tot 1 week voor jou verblyf!
Kapasiteit: 6 mense
Inkloktyd: 13:00 tot 00:00
Uitkloktyd: 11:00
Adres: Peak-rylaan 13, Pinelands, Kaapstad, 7405, Wes-Kaap
Geen kinders onder 18
Vanaf R2 500 per nag (plek vir 2)

Beskrywing

Garden Retreat is 'n pragtige grasdak-gastehuis in Pinelands. Die gastehuis is 750 m van King David Mowbray Gholfbaan af en bied gerieflike toegang tot die N1 en die N2. Die gebou dateer uit die 1940's, maar spog deesdae met meer moderne afwerkings.

Die perseel het 'n lowerryke, tropiese tuin en is ontwerp om privaat te wees met slegs 3 gaste-eenhede. Daar is 1 en suite-kamer in die huis, 'n kothuis en 'n rondawel. Elke kamer het sy eie badkamer, 'n privaat ingang, lugversorging, 'n TV, haardroër, yskas en tee- en koffiemaakgeriewe.

Gaste kan in die verhitte swembad, by die kroeg of in die gastesitkamer ontspan. 'n Thai-massering kan ook gereël word. Die kontinentale ontbyt kan aangepas word om gaste se persoonlike behoeftes in ag te neem. Die gastehuis het 'n klein tapas-spyskaart oor die middag en daar is die opsie om saam met jou gashere aandete en 'n glas goeie wyn te geniet.

Die gastehuis is 8,2 km van die Kaapse middestad, 12,8 km van Tafelberg se kabelkarretjie en 9,2 km van die Kirstenbosch Nasionale Botaniese Tuin af. Die N1 en N2 bied toegang tot die Paarl, Stellenbosch en Kaapstad Internasionale Lughawe.

Kry ’n Kwotasie