Glenfinnan Guest House

Gastehuis

Langtermynverblyf-aanbod 45% af

Kry 45% af vir verblyf wat 25 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Roode Vos-singel 15, Langebaan, 7357, Wes-Kaap
Alle ouderdomme is welkom
Vanaf ~~R1 450~~ R798 per nag (plek vir 2)

Beskrywing

Glenfinnan Guest House is in Langebaan in die Weskus van Suid-Afrika geleë. Dié strandmeerparadys is gemáák vir natuur- en watersportliefhebbers. Van die doendinge hier sluit voëlkyk, swem, seilplank- en vlieërbranderry, bootvaarte, kajak, en kanovaartte in, en gholfliefhebbers kan hulle gate uit geniet by Langebaan se buiteklub, minder as 5 minute van die gastehuis af. Verder is daar natuurwandelinge en voëlskutte, en die Weskus Natuurreservaat met die bekende Postberg en veldblomme is op jou drumpel. Dit is 'n puik wegbreekbestemming.

Due gastehuis het 3 en suite-kamers en 'n selfsorgwoonstel. Elke kamer het 'n koningingrootte-bed of 2 driekwartbeddens wat op versoek in 'n super koninggrootte-bed omskep kan word sowel as 'n en suite-badkamer met 'n stort.

Geriewe in die kamer sluit komplimentêre toiletware, japonne vir verblyf langer as 5 dae, 'n haardroër, toesluitkluis, yskassie met komplimentêre bottelwater, tee- en koffiemaakgeriewe, WiFi en 'n privaat TV met DStv-kanale in. Veilige parkeerplek is ook beskikbaar.

Doendinge in die omgewing sluit perdry, visvang, voëlkyk, wynproe, fietsry, wildritte, wildkyk, bergfietsry en swem in. Glenfinnan Guest House is ook lekker naby die winkels, restaurante, en 'n kunsgalery, en die toegangspoort tot die Weskus is net 5 minute se ry van hier af.

Glenfinnan Guest House bied verblyf onafhanklik van die tradisionele kragnetwerk en dus kan al die elektronika, ligte en die internet tydens beurtkrag gebruik word.

Kry ’n Kwotasie