Go2Boa

Selfsorg

Kapasiteit: 6 persone
Inkloktyd: 14:00 tot 21:00
Uitkloktyd: 10:00
Adres: Kerkstraat 2, Boa Esperança 2, Mosselbaai, 6500, Wes-Kaap
Alle ouderdomme is welkom
Vanaf R2 500 per nag, vir 6 mense

Beskrywing

Go2Boa is 'n luukse selfsorgwoonstel in die Boa Esperança-kompleks, bo die Mosselbaai Waterfront met 'n uitsig oor die Atlantiese Oseaan. Hiér kan gaste die uitsig oor die see, op die berge en oor die marina, en die skouspelagtige sonsondergang bewonder. Die woonstel is stapafstand vanaf Santos-strand, via 'n privaat ingang.

Die woonstel het slaapplek vir 6 gaste en beskik oor 3 slaapkamers, 2 badkamers, 'n kombuis, 'n oopplan-eetarea, werkstasie en 'n sitarea. Die eerste slaapkamer het 'n koninggrootte-bed, 'n plafonwaaier, 'n en suite-badkamer met 'n bad, 'n stort, 'n toilet en 'n wasbak. Die slaapkamer het ook 'n werkstasie en direkte toegang tot die stoep. Die tweede slaapkamer het 'n koningingrootte-bed en die derde slaapkamer het 2 enkelbeddens. Gaste in hierdie 2 slaapkamers deel 'n badkamer met 'n stort, toilet en 'n wasbak.

Die kombuis is volledig toegerus om aan alle behoeftes te voldoen en sluit 'n yskas-vrieskas, stoof, oond, skottelgoedwasser, wasmasjien, tuimeldroër, mikrogolfoond, ketel, broodrooster, toebroodjierooster, koffiemasjien, ysmasjien, eetgerei en breekware in. Die eetarea het 'n etenstafel en bankies met sitplek vir 6. Daar is ook 'n werkstasie met stoeltjies. Die sitarea het 'n gemaklike rusbank, 'n 55"-slim-TV met al die belangrikste apps om programme te stroom, en toegang tot DStv en Netflix. Daar is ook boeke, bordspeletjies en WiFi.

'n Skuifdeur lei na 'n onderdakstoep met 'n buite-eetarea en 'n ingeboude braai, en daar is 'n aparte sonbaai-stoep met sonstoele en 'n sambreel. Of gaste nou 'n warm koppie koffie wil drink terwyl hulle die sonsopkoms bewonder, of 'n glasie wyn wil drink terwyl hulle kyk hoe die son sak - die stoep is perfek vir elke geleentheid. Luister na die geknetter van die vuur, die gedruis van die branders, die geroep van die seemeeue en die donderstorms in die verte, terwyl jy die die skouspelagtige uitsig geniet.

Aangewese, veilige parkeerplek is in 'n enkelmotorhuis beskikbaar.

Kry ’n Kwotasie