Goue Myl Orkney Vaal

Selfsorg

Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Goue Myl-kompleks 29, Orkney, 2620, Noordwes
Alle ouderdomme is welkom
Vanaf R1 250 per nag (plek vir 12)

Beskrywing

Goue Myl Orkney Vaal is ’n selfsorghuis in die Orkney Vaal Privaat Oord aan die buitewyke van Orkney. Die oord is aan die oewer van die Vaalrivier geleë en bied toegang tot die rivier. Die area is ideaal vir voëlkyk, visvang en bootritte.

Dié dubbelverdiepinghuis het 'n grasdak en bied slaapplek aan 12 gaste. Daar is 6 slaapkamer en 3 badkamers. Die hoofslaapkamer het 'n koninggrootte-bed, ’n en suite-badkamer met ’n bad en stort, asook ’n balkon met ’n tuin- en rivieruitsig.

Die tweede, derde en vierde slaapkamer is op die boonste verdieping geleë. Die tweede kamer het 'n koningingrootte-bed, die derde kamer het 'n dubbelbed en die vierde kamer het 2 stapelbeddens. Dié slaapkamers deel ’n badkamer met 'n stort en bad. Die vyfde en sesde kamer is op die onderste verdieping geleë. Die vyfde kamer het 'n koningingrootte-bed en die sesde kamer het 'n dubbelbed. Dié 2 kamers deel die badkamer met 'n stort op die onderste verdieping.

Die ruim kombuis is goed toegerus met ’n yskas-vrieskas, mikrogolf, ketel, stoof, oond, eetgerei en breekware. Die sitarea het 'n TV. Daar is 'n kuierarea met 'n pool-tafel, veerpyltjiebord, kroegarea met 'n ysmasjien, 'n Jacuzzi, klankstelsel, binnebraaigeriewe en groot etenstafel met sitplek vir 12 gaste.

Dié kuierarea het skuifdeure wat na die voortuin en lapa-area met sitplek vir 12 lei. Veilige parkeerplek is beskikbaar.

Kry ’n Kwotasie