Happy Valley

Kampeer/karavaan

Gratis kansellasie tot 1 week voor jou verblyf!
Kapasiteit: 30 persone
Inkloktyd: 14:00 tot 19:00
Uitkloktyd: 10:00
Adres: R573, Motolo-weg, Leeuwkloofplaas 74, De Wagensdrift, 1002, Gauteng
Alle ouderdomme is welkom
Vanaf R500 per nag, vir 2 mense

Beskrywing

Happy Valley is 30 km noordoos vanaf Pretoria in die lowerryke Leeuwkloofvallei geleë. Dit is omring deur die Bobbejaansberge en grens aan die bekende Dinokeng Wildreservaat. Dis net 88 km vanaf O.R. Tambo Internasionale Lughawe.

Selfsorgverblyf word in 'n bekoorlike grasdakkothuis gebied terwyl daar ook karavaanstaanplekke en kampeer-areas in boomryke area beskikbaar is.

Die besondere ruim kampeerterrein het tent- en karavaanstaanplekke in 'n boomryke area met 'n pragtige uitsig. Elke staanplek het toegang tot skoon ablusiegeriewe met storte, wasbakke en toilette. Daar is ook water-, kragpunte, 'n opwasarea en 'n braaiplek.

Die kothuis het 2 slaapkamers met slaapplek vir 4 gaste. Die eerste slaapkamer het 'n dubbelbed en die tweede slaapkamer het 'n stapelbed. Die badkamer het 'n stort-oor-bad, 'n wasbak en 'n aparte toilet. In die sitkamer is daar 2 slaapbanke wat in ekstra slaapplek omskep kan word.

Daar is ook ‘n swembad met sonsambrele en 'n groot speelpark vir kinders met swaaie, 'n klimraam en 'n springmat op die perseel.

Die eiendom is met 'n elektriese heining omhein en word via 'n groot veiligheidshek betree.

Doendinge in die omgewing sluit in wildritte, voëlkyk, swem en selfry-wildritte asook vierwielmotorfiets-, stap- en bergfietsroetes.

Kry ’n Kwotasie