Haven of Peace & Garden Cottage

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Roome-straat 16, Onrusrivier, Hermanus, 7201, Wes-Kaap
Alle ouderdomme is welkom
Vanaf R800 per nag (plek vir 2)

Beskrywing

Haven of Peace & Garden Cottage bied verblyf in 2 eenhede wat grens aan die hoofhuis, elke met 'n privaat ingang. Die eenhede is in 'n stil deel van Onrus, naby die see.

Die Tuinkothuis is geskik vir 4 gaste en het 'n groot slaapkamer met 'n koningingrootte-bed en daar is 2 enkelbeddens in die leefarea. Die badkamer het 'n dubbelstort en die kombuisie is met 'n yskas, stoof, mikrogolf, oond en ander basiese toerusting toegerus. Daar is ook 'n onderdakstoep met 'n etenstafel vir 8, asook 'n bank en koffietafel. Die stoep het 'n uitsig oor die tuinpoeletjie en spog ook met braaigeriewe en 'n wasbak met warme en koue water. Parkeerplek word op die perseel agter 'n afstandbeheer hek vir 1 voertuig voorsien. Die eenheid is geskik vir 'n gesin met 1 of 2 kinders.

Haven of Peace is 'n eenheid wat geskik is vir 2 gaste en het 'n koningingrootte-bed en 'n badkamer met 'n dubbelstort. Die kombuisie is met 'n yskassie, mikrogolf, induksie-kookplaat, broodrooster, eetgerei en breekware toegerus. Daar is parkeerplek in die straat met goeie beligting, maar gaste kan met die eienaar reël indien hulle oornag op die perseel wil parkeer. Die eenheid se stoep het 'n etenstafel vir 4, braaigeriewe en daar is 'n wasbak met warm en koue water.

Elke eenheid het DStv Premium en badhanddoeke word voorsien. Gaste moet asb. hul eie strandhanddoeke saambring.

Onrus is 'n rustige dorpie, slegs 'n paar kilometer van Hermanus af, met 'n pragtige sandstrand en strandmeer. 'n Kort entjie se stap neem gaste na die Davie's-getypoel, waar gaste op die grasperk kan swem of piekniekhou. Gaste kan ook die kuspaadjie om die Onrus-skiereiland neem om die strand te bereik. Al die basiese geriewe is beskikbaar, insluitend 'n supermark, vulstasie, apteek, hardewarewinkel, dokters, fiksheids- en welstandsentrums, haarsalonne, kroeë en restaurante.

Kry ’n Kwotasie