Hawerland

Selfsorg

Kapasiteit: 30 persone
Inkloktyd: 14:00 tot 19:00
Uitkloktyd: 10:00
Adres: Hawerlandplaas, Hawerland, Graafwater, 8120, Wes-Kaap
Alle ouderdomme is welkom
Vanaf R600 per nag, vir 2 mense

Beskrywing

Hawerland is op 'n plaas in die Graafwater-area tussen Clanwilliam en Lambertsbaai. Ons bied topgehalte-verblyf, ideaal vir 'n sorgelose wegbreek in die natuur. Die eenhede het nie elektrisiteit nie, so dit is perfek vir wanneer jy wil wegkom van tegnologie af. Daar is wel warm water beskikbaar.

Daar is 2 selfsorgkothuise op die plaas en elkeen het slaapplek vir 4 gaste. Daar is ook 6 karavane waarvan 2 elk 3 gaste kan huisves en die ander 4 kan elk 4 gaste huisves.

Elke selfsorgkothuis het 'n hoofslaapkamer met 'n dubbelbed en die tweede kamer het 2 enkelbeddens. Die eenhede is ten volle toegerus met eetgerei, breekware en beddegoed. Daar is 'n geiser, 'n yskas en 'n stoof wat elkeen met gas werk. Die ligte werk met sonpanele.

Die karavane het elk 'n aparte kombuisie en 'n badkamer met 'n stort. Hulle maak ook gebruik van gas- en sonkrag.

Die kothuise en die karavane is op die plaas. Daar is 'n privaat braai-area by elk van die eenhede en vuurmaakhout is teen 'n ekstra koste op die plaas beskikbaar.

'n Gemeenskaplike swembad is beskikbaar vir gaste en daar is ook voetslaanpaaie vir diegene wat in die berge wil gaan stap. Kom kuier gerus gedurende die blomseisoen wanneer die plaas die ideale plek is om die prag van die Namakwalandse blomme te aanskou.

Kry ’n Kwotasie