Heron's Haven

Selfsorg

Gratis kansellasie tot 1 week voor jou verblyf!
Kapasiteit: 5 persone
Inkloktyd: 14:00 tot 19:00
Uitkloktyd: 10:00
Adres: Elizabeth-Oos 112 B, Port Owen, 7365, Wes-Kaap
Geen kinders onder 10
Vanaf R1 875 per nag, vir 5 mense

Beskrywing

Heron's Haven is 'n gerieflik gemeubileerde selfsorgwoonstel vir 5 gaste aan die oewer van die Bergrivier in Port Owen.

Heron's Haven is op die grondverdieping geleë, onder die eienaar se hoofhuis. Die eenheid beskik oor 2 slaapkamers. Die hoofslaapkamer het 'n dubbelbed en 'n uitsig oor die rivier en 'n en suite badkamer met 'n stort. Die tweede slaapkamer het 3 enkelbeddens. Daar is 'n oopplan-sitkamer en -kombuis. Aangrensend aan die leefarea is 'n tweede klein, en suite-badkamer met 'n stort. Linne en handdoeke word voorsien.

Die oopplan-kombuis is met 'n stoof, oond, mikrogolfoond, yskas, eetgerei en breekware, sowel as koffie- en teemaakgeriewe toegerus. Skoonmaaktoerusting word voorsien. Daar is 'n TV met volle DStv-Premium in die sitkamer, en WiFi is beskikbaar.

Die eenheid lei na 'n stoep met ingeboude braai. Daar is veilige parkeerplek agter 'n toesluithek. Troeteldiere word ongelukkig nie toegelaat nie.

Heron's Haven het direkte toegang tot die rivier en is nie veilig vir klein kindertjies nie. Gaste het ook toegang tot die jetty indien hulle 'n boot het wat hulle wil gebruik.

Let asb. daarop dat die eenheid in 'n rustige natuurgebied is, dus word harde musiek en lawaaierige partytjies nie toegelaat nie.

Kry ’n Kwotasie