Hibiscus Road

Voeg by Gunstelinge

 

Beskrywing

Hibiscus Road is 'n alleenstaande huis met 'n swembad, groot kuierareas en 'n ongelooflike uitsig oor Margate se strand. Dis bo Margate in 'n stiller straat geleë en gaste hoef net 'n entjie met die trappe af te stap na al die restaurante langs die strand, wegneemeetplekke, kroeë, klubs en kuierplekke. Dis 'n gewilde vakansiebestemming met roeibote, olimpiese swembaddens, strandfunksies tydens spitsseisoen, musiekvertonings en hope pret en vermaak.

Die huis het slaapplek vir 8 gaste in 3 smaakvolle slaapkamers. 2 van die slaapkamers het 'n dubbelbed en enkelbed elk, en die derde kamer het 2 enkelbeddens. Daar is ook 2 dubbelslaapbanke in die sitarea vir kinders. Een badkamer met 'n bad, stort, wasbak en aparte toilet is beskikbaar. Al die kamers het skuifdeure na die groot sentrale stoep en kuierarea waar daar 'n etenstafel, ingeboude braai en 'n swembad is. Langs die stoep is 'n dek met sitplek en 'n pragtige uitsig oor Margate, die strand en see.

Die stoep lei via opvoudeure na 'n ruim sitkamer met oorgenoeg sitplek, 'n TV met DStv-Gesinspakket en 'n DVD-speler. Dit lei weer na 'n oopplan-eetarea en 'n groot plaaskombuis met alle nodige kookgerei, 'n dubbelyskas-vrieskas, wasmasjien en tuimeldroër.

Die huis word beveilig met 'n elektriese palisadehek, alarmstelsel met laserstrale, en traliedeure regdeur die huis. Daar is 2 elektriese motorhuise wat nie geskik is vir langer voertuie nie, maar ook nog veilige parkeerplek buite vir 3 voertuie.

Linne word vir die beddens voorsien. Gaste moet egter hul eie bad- en strandhanddoeke, asook beddegoed vir die slaapbanke saambring. 'n Daaglikse skoonmaakdiens is op versoek teen ekstra koste beskikbaar, maar dit is onderhewig aan beskikbaarheid. Die eenheid word wel voor gaste se aankoms skoongemaak en voorsien van net genoeg toiletpapier en bad- en skottelgoedseep om gaste se verblyf mee af te skop.

Slaapplek

'n Bespreking by Hibiscus Road sluit in:

Slaapkamer 1 - Huisves 3 persone
1 x Enkelbed / Driekwartbed
1 x Dubbelbed

Slaapkamer 2 - Huisves 3 persone
1 x Enkelbed / Driekwartbed
1 x Dubbelbed

Slaapkamer 3 - Huisves 2 persone
2 x Enkelbed / Driekwartbed

Area 1 - Huisves 4 persone
2 x Dubbelslaapbank

Kenmerke

  •  Afrikaans
  •  Swembad
  •  Braaiplek
  •  Troeteldiere indien gereël
  •  Veilige Parkering

Aktiwiteite Naby

  •  Perdry
  •  Visvang
  •  Baarshengel
  •  Voëlkyk
  •  Fietsry
  •  Wildkyk
  •  Begeleide Wandelpaaie
  •  Bergfietsroetes
  •  Swem
  •  Tennis

Aktiwiteite op perseel

  •  Voëlkyk
  •  Swem

Badkamer

  •  Bad
  •  En-suite
  •  Aparte Toilet
  •  Stort
  •  Seep

Betaalopsies op Perseel

  •  Kontant
  •  Elektroniese Fondsoorplasing

Dienste

  •  Diens op aanvraag

Elektriese Toebehore

  •  Yskas
  •  Haardroër
  •  Strykyster
  •  Mikrogolfoond
  •  Oond
  •  Stoof

Geriewe

  •  Swembad
  •  Braaiplek
  •  Geen Rook Binnenshuis
  •  Malaria-vrye streek
  •  Troeteldiere indien gereël
  •  Satelliet-TV
  •  Selfsorg
  •  Skoonmaakdiens Op Versoek

Hier praat ons

  •  Afrikaans
  •  Engels

Kamergeriewe

  •  Eetkamer
  •  Waaier
  •  Klein Kombuis
  •  Sitkamer

Parkeerplek

  •  Veilige Parkering
  •  Agter Elektriese Hek
  •  Onderdakparkering
  •  Parkering Van Die Straat Af

Vermaak

  •  DVD
  •  Eksklusiewe DSTV
  •  TV

Kaart Meer oor die omgewing 

Gaste wat na Hibiscus Road gekyk het, het ook belangstelling getoon in die volgende lekke plekke:

Vanaf R1 410 per nag (plek vir 10)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za