Hole in One Boutique Hotel

Hotel

Kapasiteit: 36 persone
Inkloktyd: 14:00 tot 19:00
Uitkloktyd: 10:00
Adres: Hole-in-One-laan 171, Ruimsig, Gauteng, 1724, Gauteng
Alle ouderdomme is welkom
Vanaf R1 800 per nag, vir 2 mense

Beskrywing

Hole in One Boutique Hotel is 'n luukse boetiekhotel wat in 'n koloniale-styl getooi is. Dié gastehuis het 'n restaurant, funkie- en konferensielokale en 'n kapel. Dit is ideaal geleë in Ruimsig, net 25 minute vanaf die Johannesburgse middestad, maar steeds in die platteland. Dit is ook naby Die Wieg van die Mensdom. Hole in One Boutique Hotel beskik oor 'n boetiekhotel en 'n herehuis in 'n rustige omgewing en dit bied al die gemak van 'n huis.

Die ligte is altyd aan by Hole in One. Daar is kragopwekkers wat elektrisiteit 24/7 voorsien.

Gaste kan kies tussen ons Gesinskamer, Wittebroodkamer en verskeie Standaardkamers en 2-enkelbedkamers. Elke kamer is uniek versier en die badkamers het die mooiste afwerkings. Daar is lugversorging, DStv, tee- en koffiemaakgeriewe, 'n yskassie, elektriese kluis en gratis WiFi in die kamers.

Die kombuis berei heerlike ontbyt, middagetes en aandetes voor wat in ons stylvolle restaurant of buite by die swembad genuttig word. 'n Unieke spyskaart bied 'n verskeidenheid Suid-Afrikaanse en internasionale disse.

Die goed versorgde tuine met sierfonteine en 'n sprankelende swembad met gemaklike sitplek bied 'n plek waar gaste buite kan ontspan.

Hole in One wil altyd hulle gaste spesiaal laat voel, aandag gee aan detail en persoonlike diens lewer. Die konferensiegeriewe maak voorsiening vir elke behoefte en maak enige geleentheid aangenaam en onvergeetlik. Hole in One spog met 'n nuwe kapel waar pragtige herinneringe geskep word tydens spesiale seremonies soos troues en doopplegtighede. Die konferensiegeriewe is geskik vir klein vergaderings van 2 tot 3 mense of vir groot konferensies van tot 100 mense.

Kry ’n Kwotasie