Houtboschbaai No 1

Selfsorg

Langtermynverblyf-aanbod 15% af

Kry 15% af vir verblyf wat 6 nagte of langer is. Geldig vir verblyf vanaf 11 Jan 2024 tot 30 Nov 2024.

Soos Gesien op Facebook
Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Rameronrylaan, Astonbaai, Jeffreysbaai, 6330, Oos-Kaap
Alle ouderdomme is welkom
Vanaf ~~R2 850~~ R2 423 per nag, vir 6 mense

Beskrywing

Houtboschbaai No 1 is 'n lieflike strandfronthouthuis vir 6 gaste in 'n natuurreservaat 5 km vanaf Jeffreysbaai.

Die chalet is reg voor op die strand en het 'n asemrowende see- en strand-uitsig. Dit beskik oor 3 slaapkamers, 2 badkamers, 'n kombuis en 'n sitkamer, en 2 dekke. Die hoofslaapkamer het ’n dubbelbed en bied 'n uitsig oor die see. Die tweede slaapkamer het ook ’n see-uitsig en die beddens kan as 2 enkelbeddens of 'n koninggrootte-bed opgemaak word. Die derde slaapkamer het 2 enkelbeddens en het 'n bos-uitsig. Die hoofslaapkamer se en suite-badkamer het 'n stort en 'n toilet, en die tweede badkamer 'n bad en 'n toilet. Daar is ook 'n buitestort vir 'n spesiale bos-ervaring. Linne en handdoeke word voorsien, maar gaste moet asb. hul eie strandhanddoeke saambring.

Die kombuis is met 'n mikrogolf, stoof, oond, yskas en koffie- en teemaakgeriewe toegerus. 'n Skottelgoedwasser, wasmasjien en 'n tuimeldroër is ook beskikbaar.

Die leefarea en 2 voorste kamers bied toegang tot 'n dek met 'n pragtige uitsig oor die see. Daar is 'n eet- en sitarea met 'n TV met DStv. Onbeperkte WiFi is beskikbaar.

Die huis is met 'n klein omsetter en 'n watertenk toegerus om die impak van beurtkrag en waterbeperkings te verminder. Lampe, 'n Weber-gasbraai en 'n gasstofie is ook beskikbaar.

Houtboschbaai No 1 is tussen melkhoutbome geleë, en daar is houtpaadjies in die reservaat wat na die privaat strand lei. Jeffreysbaai bied 'n verskeidenheid besienswaardighede, soos die African Dawn Wildlife Sanctuary, Jeffreysbaai Skulpmuseum en verskeie restaurante, en aktiwiteite wat wissel van bergfietsroetes, valskermspring en 4x4-roetes.

Kry ’n Kwotasie