Igna's House

Selfsorg

Kapasiteit: 8 persone
Inkloktyd: 14:00 tot 18:00
Uitkloktyd: 10:00
Adres: Eersterivierstraat, Eersterivier, Tsitsikamma, 6303, Oos-Kaap
Alle ouderdomme is welkom
Vanaf R3 400 per nag, vir 8 mense

Beskrywing

Igna's House is 'n selfsorgvakansiehuis in die kusdorp Eersterivierstrand in die Tsitsikamma-streek. Die dubbelverdiepinghuis het slaapplek vir 8 gaste en spog met 'n gedeeltelike see-uitsig van die stoep af.

Die ten volle gemeubileerde huis beskik oor 4 slaapkamers en 2 badkamers. Op die boonste verdieping is daar 'n hoofslaapkamer met 'n dubbelbed, 'n tweede slaapkamer met 2 enkelbeddens, 'n badkamer met 'n stort en 'n TV-kamer met 'n DStv-koppelpunt. Gaste kan hulle eie DStv-dekodeerder en -slimkaart saambring.

Op die onderste verdieping is daar 'n derde slaapkamer met 'n dubbelbed en 'n vierde slaapkamer met 2 enkelbeddens. Dié 2 slaapkamers deel die tweede badkamer met 'n stort. Die ten volle toegeruste kombuis beskik oor al die nodige toebehore om maaltye voor te berei en sluit 'n skottelgoedwasser, wasmasjien en 'n tuimeldroër in.

Die oopplanleefarea spog met 'n ingeboude kaggel wat ook as 'n braai gebruik kan word. Die leefarea lei na 'n stoep. Parkeerplek is voor die huis beskikbaar. Die dorp, Eersterivierstrand, het 'n paar rotspoele wat ideaal is vir snorkel en daar is ook 'n paar fynbospaadjies om te verken.

Neem asb. kennis dat troeteldiere/diere nie toegelaat word nie.

Kry ’n Kwotasie