In Da Bush

Selfsorg

Gratis kansellasie tot 24 uur voor jou verblyf!
Kapasiteit: 3 persone
Inkloktyd: 14:00 tot 19:00
Uitkloktyd: 10:00
Adres: Vygeboomspoort-plaas KR456, Erf 10, Modimolle, 0510, Limpopo
Geen kinders onder 10
Vanaf R1 150 per nag, vir 3 mense

Beskrywing

In Da Bush is op 'n plaas in die prentjiemooi Waterbergstreek net 4 km vanaf Modimolle op ’n plaas wat boer met weidinggras. Dit is ideaal vir natuurliefhebbers en sakereisigers.

Die oopplan-tuinkothuis bied slaapplek aan 3 gaste en is langs die eienaar se huis. Die kothuis het 'n slaaparea, badkamer, kombuisie en 'n klein sitarea. Die slaaparea het 'n koningingrootte-bed asook 'n ekstra enkelbed, 'n lessenaar met ’n stoel, ’n lig en kragproppe. Beddegoed en handdoeke word voorsien. Die en suite-badkamer het 'n groot stort, toilet en 'n wasbak. Die kombuisie is met basiese toebehore soos 'n yskas, tweeplaatstoof, mikrogolf, broodrooster, eetgerei, breekware en tee- en koffiemaakgeriewe toegerus. Komplimentêre koffie, tee, beskuit en drinkwater word eenmalig met aankoms voorsien. Die kothuis het ook DSTV.

Die kothuis het 2 privaat deure. Een deur lei na 'n lieflike stoep met stoepmeubels en braaigeriewe. Die stoep bied 'n uitsig oor die groot tuin met 'n visdam en 'n ryk voëllewe. Onderdakparkeerplek is beskikbaar.

Die groot bome op die plaas word met naamplaatjies gemerk. Nagapies, eekhorings, muishonde, duikers en ander diertjies word gereeld op die plaas gesien. Daar is pragtige sonsondergange en gaste kan saans sterrekyk.

As gevolg van stortreën die laaste paar dae, is die grondpad op die oomblik nie geskik vir klein- en lae grondvryhoogte-voertuie nie.

Kry ’n Kwotasie