Inyoni Rock Cabanas 6

Selfsorg

Weeksdagaanbod 20% af

Kry 20% af op enige bespreking wat nie 'n Vrydag- of Saterdagaand insluit nie. Geldig vir verblyf vanaf 16 Apr 2024 tot 14 Jun 2024.

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Beach-weg 91, Inyoni Rock Cabanas 6, Amanzimtoti, 4126, KwaZulu-Natal
Alle ouderdomme is welkom
Vanaf ~~R1 600~~ R1 280 per nag (plek vir 8)

Beskrywing

Inyoni Rock Cabanas 6 is op die strandfront in Amanzimtoti geleë. Hierdie selfsorgwoonstel het slaapplek vir 8 gaste en 'n ononderbroke see-uitsig.

Die duplekswoonstel beskik oor 3 slaapkamers, 2 badkamers, 'n kombuis, eetarea en 'n sitarea. Die hoofslaapkamer is op die eerste verdieping, het 'n koningingrootte-bed en bied toegang tot 'n balkon met 'n pragtige see-uitsig.

Die tweede slaapkamer het 3 enkelbeddens en die derde slaapkamer het 'n koningingrootte-bed en 'n enkelslaapbank. Elke badkamer het 'n stort, 'n bad met 'n handstort en 'n toilet. Linne en badhanddoeke word voorsien en gaste moet asb. hul eie swemhanddoeke saambring.

Die oopplan-kombuis is op die grondverdieping en is met 'n stoof, oond, mikrogolf, yskas en tee- en koffiemaakgeriewe toegerus. Gaste kan hul maaltye by die etenstafel vir 8 geniet. Daar is 'n skottelgoedwasser, wasmasjien en 'n tuimeldroër wat gaste kan gebruik.

Die sitarea het 'n TV met eksklusiewe DStv-kanale en bied toegang tot 'n stoep met direkte toegang tot 'n grasperk met 'n see-uitsig. Gaste het ook toegang tot gratis WiFi. Die woonstel word weeksdae skoongemaak en daar is aangewese parkeerplek vir 'n voertuig en 'n sleepwa in die parkeerarea. 'n Ekstra parkeerplek is in die oop parkeerarea beskikbaar.

Die kompleks het 'n gemeenskaplike swembad, braaigeriewe wat daagliks skoongemaak word en 24 uur-sekuriteit. Ongelukkig word troeteldiere nie toegelaat nie.

Inyoni Rock Cabanas 6 is net 160 m van Splash Waterwold, 1,5 km van verskeie restaurante en Toti Mall, 2 km van Galleria Mall en 5 km van Seadoone Mall met sy verskeie winkels en restaurante af. Amanzimtoti bied aktiwiteite soos hengel, duik, snorkel, branderplankry en gaste kan die Sardienloop tussen Junie en Augustus gadeslaan of die Amanzimtoti Voëlbewarea of die Ilanda Wilds Natuurreservaat besoek.

Kry ’n Kwotasie