Jacobsbaai Self-catering

Selfsorg

Gratis kansellasie tot 1 week voor jou verblyf!
Kapasiteit: 8 persone
Inkloktyd: 15:00 tot 19:00
Uitkloktyd: 10:00
Adres: 8ste Draai 4, Jacobsbaai, 7395, Wes-Kaap
Alle ouderdomme is welkom
Vanaf R3 350 per nag (plek vir 8)

Beskrywing

Jacobsbaai Self-catering is 'n lieflike, ruim selfsorgvakansiehuis wat ideaal geleë is, net 200 m van die strand af, in die karaktervolle dorpie, Jacobsbaai, in die Weskus. Die huis is 'n gerieflike 10 minute se ry van die Weskus Mall af.

Die huis het slaapplek vir 'n maksimum van 8 volwassenes en 4 kinders, en beskik oor 4 slaapkamers, 4 dubbelbeddens en 4 enkelbeddens in die leefarea. Die eenheid het 3 badkamers, 'n groot kombuis, 2 leefareas, 3 binnebraai-areas, een met 'n kroeg en lieflike see-uitsigte. Die kombuis is goed toegerus vir selfsorgdoeleindes.

Die swembad kan deur ’n elektriese verhittingspomp verhit word, as ’n opsionele ekstra teen R250 per nag. Om elektrisiteit te spaar, word die pomp somtyds afgesit as daar nie gaste verwag word nie. Indien gaste wil hê dat die swembad verhit moet word, moet daar 3 dae voor die tyd reëlings getref word. Die swembad word na ongeveer 28 grade Celsius verhit. Alhoewel dit nie so warm soos ’n warmbad is nie, voel dit steeds soos ’n somerswembad in die bosveld. Neem asb. kennis dat die verhitting deur beurtkrag geraak word en mag dalk nie werk tydens beurtkrag wat hoër as vlak 2 is nie.

Al die bure is permanente inwoners en daarom word gaste nie toegelaat om funksies of luidrugtige partytjies te hou wat die bure sal steur nie. Respekteer asb. hierdie beleid.

Die groot grasperk is 'n treffer onder die jongspan en troeteldiere. Die huis is troeteldiervriendelik indien dit vooraf gereël word. Dit is onderhewig aan voorwaardes.

Kry ’n Kwotasie