Jungle @ C Log Cabin

Selfsorg

Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Erf 363, Erfdeel 7, Grenville Pad, Trafalgarstrand, 4285, KwaZulu-Natal
Alle ouderdomme is welkom
Vanaf R3 680 per nag (plek vir 12)

Beskrywing

Jungle @ C is 'n selfsorg-houthuisie wat in Trafalgar aan die Suidkus van KwaZulu-Natal geleë is. Dit is halfpad tussen Margate en Port Edward, en die vernaamste Blouvlagstrand is net 1,2 km van die huisie af. Gaste kan daar gaan swem, perdry, visvang of snorkel.

Trafalgar is ook teen die grens van die Mpenjati Natuurreservaat geleë, waar gaste 'n heerlike piekniek of braai kan geniet, in die rivier kan visvang of selfs een van die staproetes kan aandurf. Wanneer jy terugkom by die huisie, is daar baie bokkies en ander herbivore wat graag kom kuier. Trafalgar is 'n mariene-, duin- en natuurreservaat.

Die houthuisie is toegerus vir 12 gaste en beskik oor 2 hoofslaapkamers, 2 solderkamers, en 'n oopplan-kombuis en -leefarea. Die eerste slaapkamer het 'n dubbelbed en 'n en suite-badkamer met 'n bad en die tweede slaapkamer het 'n dubbel- en 'n enkelbed. Een van die solderkamers het 'n dubbelbed en 2 enkelbeddens en die tweede solderkamer het 'n dubbelbed en 'n enkelbed, asook 'n lekker dek. Daar is nog 'n aparte badkamer met 'n stort. Gaste moet asb. hul eie bad- en swemhanddoeke saambring.

Die kombuis is goed toegerus vir selfsorg en die leefarea het gemaklike rusbanke en 'n vol DStv-pakket wat gaste op 'n groot platskerm-TV kan kyk. Die huis het 'n oop dek, asook 'n oop grasdak-houtdek met buiteblindings, 'n groot tafel, 'n platskerm-TV, gasbraai, 'n kroegarea met 'n groot yskas en 'n veerpyltjiebord. Die huis is met 'n alarmstelsel, elektriese motorhek en 'n elektriese heining beveilig. Onderdakparkeerplek vir 2 voertuie word voorsien.

Die ingang na die huis het 'n mooi grasdakdek met 'n tafel en stoele, asook 'n oprit vir gaste in rolstoele.

Daar is 2 groot melkhoute en 2 koorsbome, broodbome en proteas in die tuin, en 'n Jacuzzi, swembadjie, buitebraai en sitplek waar gaste kan kuier. Daar is ook 'n buitetoilet.

Jungle @ C word volledig skoongemaak deur 'n betroubare huishulp, op 'n daaglikse basis. Wasgoed, karwas en enige ander huishoudelike dienste kan direk met die huishulp gereël word en is beskikbaar teen 'n addisionele koste.

Goedgemanierde honde is welkom indien dit vooraf gereël word, maar katte kan ongelukkig nie saamkom nie.

Kry ’n Kwotasie