Kalahari Sands Gastehuis

Selfsorg

Kapasiteit: 67 mense
Inkloktyd: 14:00 tot 19:00
Uitkloktyd: 10:00
Adres: Erf 142/1, Askham, 8814, Noord-Kaap
Alle ouderdomme is welkom
Vanaf R850 per nag (plek vir 2)

Beskrywing

Kalahari Sands Gastehuis is in Askham geleë en bied selfsorg-eenhede in 'n veilige omgewing.

Besoekers het 'n keuse van 'n verskeidenheid eenhede met lugversorging, naamlik: Khoi, Elna, TJ se 1-slaapkamer of TJ se 2-slaapkamer, Bossie's, Betta's Magic Place, Lonkies en Wilna's. Elkeen van die eenhede is afsonderlik, privaat en gemeubileer met 'n enkel-, driekwart-, dubbel- of koningingrootte-bed, of 'n kombinasie daarvan. Die eenhede het privaat badkamers met storte in die meeste, terwyl die 1 badkamer oor 'n bad en 'n handstort beskik. Topgehalte-beddegoed en -handdoeke word verskaf, asook elektriese warmkomberse in die winter.

Alle eenhede is ingerig met mikrogolfoonde, yskaste en koffie- en teemaakgeriewe. Sommige van die eenhede het 'n stoof, terwyl ander oor 'n tweeplaatstoof beskik. TV's met DStv-hotelpakkette is beskikbaar. Daar is ook privaat braaigeriewe vir elke eenheid beskikbaar. Onderdakparkeerplek is beskikbaar vir sommige eenhede, terwyl daar parkeerplek onder bome is vir die ander.

Etes en wasgoeddienste is ook beskikbaar op versoek. Goedgemanierde troeteldiere is welkom op versoek.

'n Verskeidenheid voëlspesies kom in die area voor, wat dit die ideale bestemming vir voëlkykers maak.

Kry ’n Kwotasie