Kambro Accommodation & Farm Stall

Selfsorg

Gratis kansellasie tot 24 uur voor jou verblyf!
Kapasiteit: 71 persone
Inkloktyd: 14:00 tot 20:00
Uitkloktyd: 09:00
Adres: Brakdam, Britstown, 8782, Noord-Kaap
Alle ouderdomme is welkom
Vanaf R500 per nag, vir 2 mense

Beskrywing

Kambro Accommodation & Farm Stall is halfpad tussen Johannesburg en Kaapstad op die N12, 21 km noord vanaf Britstown in die rigting van Kimberley. Ons bied wonderlike plaasverblyf in die Karoo.

Daar is 10 selfsorg-chalets met lugversorging en ook 6 karavaanstaanplekke op gras, en 2 kampplekke. Die eenhede het elk met 'n privaat braai en elektrisiteit en daar is skoon ablusieblokke met warm water en opwasgeriewe.

Daar is 'n speelgrond vir kinders. Daar is ook geleenthede vir voëlkyk en voetslaan. Tydens Desember en Januarie se warm dae kan jy afkoel in die dam.

Alhoewel ons selfsorg is, bedien ons ook ontbyt en aandete op versoek. Gaste kan ook self onder die sterre braai, elke chalet het sy eie privaat braai. Let asb. dat klein troeteldiere slegs in sommige van die eenhede toegelaat word en indien dit gereël word.

Daar is 'n plaasstal op die perseel. Die restaurant het lugversorging, en bied ligte maaltye. Die restaurant sluit om 16:00 maar gaste kan wegneemetes bestel. Ons tuisgemaakte pasteie is 'n baie gesogte item en springbok, lam en hoender is beskikbaar. Die restaurant is gelisensieerd, so gaste wat oornag kan dus goeie kwaliteit wyn of bier saam met hulle maaltye geniet. Gaste ontvang 'n WhatsApp boodskap op die dag van aankoms met al die opsies vir aandete. Hulle kan dan kos bestel. Ontbyt word ook bedien. Gaste in die karavaanpark kan tuisgemaakte brood bestel. Gratis WiFi is beskikbaar.

In die plaasstal verkoop ons verskeie konfyte, blatjang, ingelegde vrugte, droë vrugte, kweperlekkers, vrugtelekkers, geskenke, tuisgemaakte gemmerbier, suurlemoenstroop, boeke, beskuit, koekies, speserye en heelwat meer. In die vrieskas het ons ook 'n groot verskeidenheid rou of gekookte afval, lamsterte, gebakte kwepers, gevulde springbokboud en -saal (resepte ingesluit), boerewors, tuisgemaakte botter, sosaties, skilpadjies, ens.

Kom ervaar egte Karoo-gasvryheid op dié plaas. die nasionale sterrekykpartytjie word jaarliks by Kambro gehou. As deel van ons diens verskaf ons tuisgemaakte brood en botter sowel as tee en koffie in die chalets.

Kry ’n Kwotasie