Kameelboomkoelte

Selfsorg

Soos Gesien op Facebook
Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Kameelboomstraat 55, Askham, 8814, Noord-Kaap
Alle ouderdomme is welkom
Vanaf R1 700 per nag, vir 2 mense

Beskrywing

Kameelboomkoelte is in Askham in die Noord-Kaap geleë, en bied oornagverblyf aan enkelreisigers, paartjies, gesinne en groepe onderweg na die Kgalagadi-oorgrenspark, Namibië en Botswana.

Daar is verskeie eenhede waarvan 1 rolstoelvriendelik is. Elke eenheid het lugversorging, 2 driekwartbeddens, 'n bad, stort en privaat toilet. Linne en handdoeke word voorsien, maar bring asb. jou eie swemhanddoeke saam.

Elke eenheid het 'n kombuis wat toegerus is met 'n tweeplaat-induksiestoof, mikrogolf, yskas, tee- en koffiemaakgeriewe, eetgerei en breekware. Elke eenheid het ook 'n TV met sekere DStv-kanale, ingeboude braai, onderdakparkeerplek en 'n kragpunt vir 'n karavaan of waentjie.

Daar is 'n gemeenskaplike swembad en 'n braai-area, maar elke chalet het sy eie braaigeriewe. Maaltye is op versoek beskikbaar en moet vooraf met die eienaar gereël word. Dit word deur Diamond T Coffee Shop gedoen.

Die Diamond T Koffiewinkel bedien heerlike ligte etes en is sowat 900 m verder in die hoofstraat. Askham is 'n klein dorpie met 'n algemene handelaar, 'n kliniek, 'n NG Kerk, koöperasie, drankwinkel en 'n vulstasie.

Kry ’n Kwotasie