Kettle Guest Lodge Rustenburg

Selfsorg

Gratis kansellasie tot 24 uur voor jou verblyf!
Kapasiteit: 44 mense
Inkloktyd: 14:00 tot 23:00
Uitkloktyd: 10:00
Adres: Plot 14, Rietvlei, Kloof-Donkerhoekweg, R565, Rustenburg, 0299, Noordwes
Alle ouderdomme is welkom
Vanaf R700 per nag, vir 2 mense

Beskrywing

Kettle Guest Lodge is in Rustenburg in Noordwes geleë en bied egte, ten volle gemeubileerde selfsorgverblyf. Dit is die ideale verblyf-opsies vir gesinne, vriende, sosiale groepe, enkelreisigers, paartjies, sport- of kerkgroepe, kontrakteurs en studente.

Verblyf is beskikbaar in selfsorghuise van verskillende groottes wat 1 tot 8 gaste kan akkommodeer.

Let asb. daarop dat selfs indien slegs 1 persoon bespreek, die hele eenheid aan daardie persoon behoort vir die duur van die verblyftydperk. Gaste deel nie met ander gaste nie.

Voor elke eenheid is daar 'n tafel, stoele en braaigeriewe.

Die huise is almal naby mekaar, maar steeds baie privaat en veilig. Elke huis beskik oor 'n kombuis wat toegerus is met 'n stoof, mikrogolfoond, yskas-vrieskas, sowel as 'n slaapkamer, 'n leefarea, 'n badkamer en enige iets anders wat gaste nodig mag kry gedurende hul selfsorgvakansie. Doen asb. navraag oor 'n plastiekbasis-matrasse vir kleuters en babas.

Etes kan op versoek voorsien word aan groter groepe, soos studente of kontrakteurs wat lank oorbly.

Gaste kan uitsien na 'n ontspanne en rustige atmosfeer met groot tuine met volop voëlspesies. Op die perseel is daar ook 'n gholf-oefenbof naby die hoofhek en 'n lieflike restaurant naby die lodge.

Kettle Guest Lodge is die perfekte verblyfopsie vir besoekers aan Sun City wat net 32 km ver is. Die Pilanesberg Natuurreservaat is net 5 km verby Sun City.

Daar is 'n klein mall, Spar en ander winkelgeriewe naby.

Kry ’n Kwotasie