Kleine Kaap

Selfsorg

Gratis kansellasie tot 1 week voor jou verblyf!
Kapasiteit: 5 mense
Inkloktyd: 15:00 tot 22:00
Uitkloktyd: 10:00
Adres: Attiesdraai Plaas, Karoo, 50 km buite Hopetown, 8752, Noord-Kaap
Alle ouderdomme is welkom
Vanaf R1 400 per nag, vir 5 mense

Beskrywing

Kleine Kaap is 'n ruim selfsorgeenheid op 'n werkende besproeiingsplaas in die Noord-Kaap, Bo-Karoo-streek. Dit is net 7,4 km van Orania af, asook 50 km van Hopetown af. Hier kan gaste ontspan, al is dit net om rustig te oornag voor hulle weer die langpad see of huis toe aanpak.

Die huis bied slaapplek aan 5 volwassenes en 1 kind en beskik oor 3 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n stort, wasbak en toilet. Die tweede slaapkamer het 'n dubbelbed en die derde slaapkamer het 'n enkelbed sowel as 'n addisionele matras wat geskik is vir 'n kind. Hierdie twee kamers deel 'n tweede badkamer met 'n bad.

Die hoofleefarea het lugversorging en 'n kombuis wat volledig toegerus is met 'n stoof, oond, mikrogolf, yskas-vrieskas, eetgerei, breekware en toonbank met 4 stoeltjies. Die kombuis lei na 'n sitarea met gemaklike sitplek en 'n TV met die volledige DStv-pakket. Gratis WiFi-toegang is beskikbaar.

Buite is daar 'n onderdakstoep met 'n buitelug-etenstafel en braaigeriewe sowel as 'n groot tuin waar kinders kan baljaar. Veilige parkeerplek is beskikbaar op die perseel.

Gaste wat hul bergfietse saambring kan die plaas so gaan verken, of jy kan te voet die heuwel aanpak om die uitsig van bo af te waardeer.

Kry ’n Kwotasie