Kleinkrantz Beach House

Selfsorg

Soos Gesien op Facebook
Kapasiteit: 6 persone
Inkloktyd: 15:00 tot 18:00
Uitkloktyd: 10:00
Adres: Gousblomsingel 1449, Kleinkrantz, Wildernis, 6560, Wes-Kaap
Alle ouderdomme is welkom
Vanaf R4 000 per nag (plek vir 6)

Beskrywing

Kleinkrantz Beach House is 'n pragtige villa oorkant Kleinkrantz-strand in Wildernis. Hier kan gaste die see-uitsig geniet en sien hoe dolfyne en walvisse verbyswem. Die dek wat om die huis strek het 'n Jacuzzi.

Die pragtige huis bied slaapplek aan 6 gaste in 3 ruim en beligte slaapkamers. Die hoofslaapkamer is by die trap op en het 'n koningingrootte-bed met 'n oopplan-bad, asook 'n en suite-badkamer met 'n stort, wasbak en toilet. Dié kamer lei na 'n tussenvloer wat 'n rusbank en 'n TV het. Die tweede slaapkamer het 'n koningingrootte-bed en 'n en suite-badkamer met 'n bad en 'n stort. Dié kamer het direkte toegang tot 'n houtbalkon. Die derde slaapkamer het 2 enkelbeddens en 2 uittrekmatrasse vir 2 kinders onder 12 jaar wat teen 'n addisionele koste beskikbaar is. Gaste moet die eienaar se toestemming vra vir die 2 uittrekmatrasse.

Onder is daar 'n oopplan-kombuis, -eetarea en -leefarea. Die kombuis is met 'n gasstoof, elektriese oond, mikrogolfoond, koffiemasjien, yskas-vrieskas, eetgerei en breekware toegerus. Daar is ook 'n aparte opwaskamer met 'n wasmasjien, tuimeldroër en 'n skottelgoedwasser.

Die kombuis lei na 'n etenstafel met sitplek vir 4 en 'n gesellige sitarea met 'n houtvuurkaggel. Onbeperkte WiFi en 'n slim-TV met die volle DStv-pakket is beskikbaar.

Daar is skuifdeure wat na 'n lieflike dek met 'n see-uitsig, 'n etenstafel en 'n Jacuzzi lei.

Die villa is weggesteek in 'n stil woonbuurt by die ingang na Kleinkrantz, en is binne maklike bereik van die N2, asook Wildernis wat net 7 km ver is. Daar is verskeie buitemuurse aktiwiteite wat see-wandelings, vlerksweef vanaf die sandduine en visvang insluit.

Kry ’n Kwotasie