Kozi@Keurbooms

Voeg by Gunstelinge

 

Beskrywing

Word wakker in die rustige skoonheid van die natuur tussen die berge en die see met voëlgesang en die geruis van branders in jou ore. Kozi@Keurbooms is 'n selfsorg- vakansiewoonstel vir 2 gaste loopafstand vanaf 2 swemstrande met lewensredders en Blouvlagstatus.

Die woonstel het ’n privaat ingang na ’n knus, skoon woonstel, met 'n sit- en eetkamer. Daar is 'n klein kombuisie met ‘n tweeplaatstoof, oondjie en mikrogolf, 'n spenskas vir kruiderniersware en eetgerei en breekware.

Daar is 1 slaapkamer met 'n koningingrootte-bed, wat in 2 enkelbeddens omskep kan word, met ruim hangkaste. Die badkamer het 'n groot stort en handdoeke, toiletware en seep word voorsien. Bring asb. eie strandhanddoeke.

Daar is buite-sitplek in die tuin onder 'n sambreel. Geniet jou ontbyt buite in vars seelug. Braaigeriewe is ook beskikbaar buite in die tuin onder bome. Daar is privaat parkeerplek op die perseel, onder die bome langs die woonstel. Daar is 'n beperkte DStv-kanale.

Ons is loopafstand vanaf Enrico’s Restaurant, bekend vir egte Italiaanse pizzas, ander geregte en unieke boma. Ontspan met die pragtigste uitsig oor rotsformasies en die branders wat breek. Dit is ook die baai waar walvisse kom kalf en dolfyne baljaar.

Keurboomstrand is bekend vir sy kerkdienste op Sondae gedurende Desembervakansies onder ‘n dak van Melkhoutbome - beleef ook ‘n spesiale Kersdiens in die natuur met die geruis van branders in die agtergrond.

Die woonstel is slegs 12 minute se ry vanaf Plettenbergbaai met verskeie doendinge en winkels. Robberg is 20 km weg – ‘n paradys vir natuurliefhebbers, met wandelpaadjies en staproetes in die berg.

Doendinge naby sluit Monkeyland, Birds of Eden, die sybokhaarfabriek met sy eie winkel, slangpark en vele meer in. Verder aan is daar Stormsrivier waar avonturiers een van die hoogste rekspronge ter wêreld kan aandurf.

Slaapplek

'n Bespreking by Kozi@Keurbooms sluit in:

1 x Koningingrootte-bed

Kenmerke

  •  Afrikaans
  •  Braaiplek

Badkamer

  •  En-suite
  •  Stort
  •  Seep

Betaalopsies op Perseel

  •  Kontant

Elektriese Toebehore

  •  Yskas
  •  Mikrogolfoond
  •  Oond

Geriewe

  •  Braaiplek
  •  Satelliet-TV
  •  Selfsorg

Hier praat ons

  •  Afrikaans
  •  Engels

Kamergeriewe

  •  Eetkamer
  •  Klein Kombuis
  •  Sitkamer

Parkeerplek

  •  Parkering Van Die Straat Af

Vermaak

  •  Gedeelde DSTV

Kaart Meer oor die omgewing 

Gaste wat na Kozi@Keurbooms gekyk het, het ook belangstelling getoon in die volgende lekke plekke:

Vanaf R500 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za