+30

Kruger Cliffs Lodge

Selfsorg

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Gedeelte 3 Scotia Farm, R531, Hoedspruit, 1380, Limpopo
Alle ouderdomme is welkom
Vanaf R1 936 per nag (vir 2 persone)

Beskrywing

Kruger Cliffs Lodge bied bekostigbare, luukse verblyf met 'n lieflike berg-uitsig. Dié lodge is net 30 minutes se ry vanaf die Krugerwildtuin se Orpen-hek met toegang via 'n teerpad en 34 km vanaf Hoedspruit.

Verblyf word gebied in 4 kothuise. Die kothuise en dekke is heeltemal privaat. Die kamers het groot glas skuifdeure met uitsigte op die berge. Die kothuise is langs mekaar en net 'n kort entjie se stap van mekaar af as gaste 'n paar kothuise saam met vriende of familie bespreek.

Elke kothuis het 'n swembadjie wat uniek ontwerp is. Verder het elke kothuis 'n koninggrootte-bed of 2 enkelbeddens, 'n muskietnet, lugversorging en WiFi. Elke badkamer het ook 'n instapstort met 'n uitsig op die berge.

Elke kombuis het 'n mikrogolf, stoof, ketel, broodrooster, yskas-vrieskas en skottelgoedwasser. Daar is ook sjampanje-glase en 'n ys-emmer. Elke kombuis het ook sout, peper, 25 L-drinkwater, opwasmiddel, vadoeke en teelappies.

Gaste kan ook op die privaat dek braai. Braaitoerusting word voorsien, maar hout en vuuraanstekers moet voor aankoms bestel word. Elke kothuis het ook 'n etenstafel.

Die Blydedam is 24,9 km ver en die lodge is 30 minute se ry vanaf die Strydom-tonnel, wat die begin van die Panoramaroete is.

Kry ’n Kwotasie