Kuname Lodge

Lodge

Soos Gesien op Facebook
Kapasiteit: 12 persone
Inkloktyd: 13:00 tot 17:00
Uitkloktyd: 11:00
Adres: Karongwe Privaat Wildreservaat, Hoedspruit, 1380, Limpopo
Geen kinders onder 1
Vanaf R13 280 per nag, vir 2 mense

Beskrywing

Kuname Lodge is 'n klein, eksklusiewe en luukse safari-lodge op 9000 ha se ongerepte Afrika-bos in die Karongwe Privaat Wildreservaat.

Verblyf word in 3 luukse suites, 1 Premier-suite en die herehuis gebied. Elke suite bied slaapplek aan 2 volwassenes en het 2 enkelbeddens of 1 dubbelbed, lugversorging en 'n en suite-badkamer met 'n buitestort en -bad, 'n yskassie en tee- en koffiemaakgeriewe.

Die herehuis beskik oor 2 en suite-slaapkamers waarvan 1 badkamer 'n stort en die ander 'n bad het. Die eerste slaapkamer het 'n dubbelbed en die tweede slaapkamer het 2 enkelbeddens. Daar is ook 'n leefarea, lugversorging, 'n kluis en 'n kombuisie wat met 'n yskas, mikrogolfoond, oond en stoof toegerus is. Dit word daagliks skoongemaak en is vir 4 volwassenes geskik.

Geriewe op die perseel sluit 'n swembad en veilige parkeerplek in.

Die lodge is net 45 minute se ry vanaf die wêreldbekende Krugerwildtuin. Dit is in wildryke, welige rivierplantegroei-area met die majestueuse Drakensberge in die weste geleë en bied asemrowende uitsigte, diverse landskappe en van die beste Groot 5-wildkykgeleenthede in Suider-Afrika.

Kry ’n Kwotasie