Lalani B&B and Self-catering Cottages

B&B

Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Zeekoegat E12, Kleinkuisrivierweg, Riversdale, 6670, Wes-Kaap
Alle ouderdomme is welkom
Vanaf R900 per nag (plek vir 2)

Beskrywing

Lalani B&B and Self-catering Cottages is op 'n kleinhoewe net buite die lieflike plaasdorp, Riversdal, geleë en bied gerieflike akkommodasie in 'n rustige omgewing, omring deur groen bome en lowerryke tuine.

Verblyf is beskikbaar in smaakvol versierde en suite-dubbelkamers en 2-enkelbedkamers met privaat ingange. Die kamers beskik oor elektriese komberse vir koue nagte, plafonwaaiers vir warm somersdae, tee- en koffiemaakgeriewe, TV's met sekere DStv-kanale, yskassies en WiFi. Gaste kan 'n lieflike ontbyt soggens geniet en tuisgekookte maaltye is saans op versoek beskikbaar. Gaste het ook toegang tot braaigeriewe.

Ons het nou ook 2 selfsorgkothuise. Elke kothuis het 2 slaapkamers, 'n badkamer met stort, 'n sit- en eetarea en 'n kombuisie. Braaigeriewe is ook beskikbaar.

Die vriendelike gasheer en gasvrou, Jurie en Suzette, kan restaurante in die omgewing aanbeveel en vir jou besprekings maak.

Hier by Lalani kan gaste 'n ware plattelandse ervaring beleef waar skape op die plaas wei en die inwonende borderkollies die skape saamjaag. Riversdal is net so 40 km van Stilbaai af. Gaste kan staproetes teen die Slapende Skoonheid-berg aanpak of die Korentepoortdam besoek.

Kry ’n Kwotasie