Leeudoringstad Guesthouse 1

Ek was baie teleurgesteld, Leeudoringstad Guesthouse voldoen nie aan standaarde nie.

Dit was nie skoon nie en dit het baie baie steil trappe om by jou kamer te kom. As ek dit voor die tyd geweet het, sou ek nooit die bespreking gemaak nie. Die huishulp het ons ontvang, waarmee ek geen probleem het nie, maar sy was glad nie vriendelik of behulpsaam nie. Die badkamer was vuil, die stort, die wasbak, die bad, ek kon sien dit was lanklaas skoongemaak. Dit was 'n reuse teleurstelling! Die ketel was swart binne-in soos dit aangepak was. Ek moes dit herhaalde kere uitspoel om water te kon kook en dit het steeds aanpaksels in gehad wat vasgesit het. Daar was geen toilet spray in die badkamer nie en net 'n halwe rolletjie toiletpapier op die rol. My man moes toiletpapier uit een van die ander gastekamers gaan haal wat gelukkig oopgestaan het, anders het ons 'n krisis gehad. Ons het 'n heerlike troue gehad, maar ons blyplek was 'n reuse, reuse teleurstelling!

Baie netjiese gastehuis met 'n verskriklike mooi tuin en lekker Lapa area waar mens heel aand kan kuier!

Sien sterre.

Ons het twee aande daar gespandeer. Die plek was baie netjies en gerieflik ingerig.

Ons was daar vir Nampo en het by Leeudoringstad Guesthouse tuis gegaan. Baie netjies, veilig en skoon. Baie lekker tuisgegaan vir twee aande.

Veilige, skoon verblyf as jy vir 'n aand moet oorslaap.

Sou ek ooit weer moet oorslaap in die Wolmaranstad/Leeudoringstad-area vir 'n nag sal die beslis my eerste keuse wees. Ons is hartlik ontvang en kon 'n heerlike nagrus geniet.

Die selfsorghuis is ruim en lekker om in te bly en dis goeie waarde vir geld.

Die foto's op die webtuiste van die netjiese gastehuis, het ons aandag getrek, maar het ná betaling verneem dat die gastehuis is eintlik vol en ons moes in 'n selfsorgeenheid elders gaan bly. Moes toe self brêkvis maak, maar ons kon darem vleisbraai, slaap en stort in ruimte en gemak. Dis dalk net 'n beter idee om die gastehuis en selfsorghuis apart te bemark sodat daar nie verwarring heers oor wat bespreek is nie.

Baie gasvry. Die aandete was voortreflik, dit was stil en ons het werklik lekker oornag.

Cornè het uit haar pad gegaan om ons welkom en tuis te laat voel. Ons was gemaklik en het lekker oornag. Aan te bevele.

Gasvryheid.

Verblyf was baie aangenaam. Kamer was skoon en netjies en alles wat nodig was vir 'n sakereis was tot beskikking.

Dit was heerlik. Lieflike gasvryheid.

Gaan gerus en bespreek vir julle ‘n kamer. Gaan in ‘n groep vir ‘n wegbreeknaweek en kuier lekker in die lapa. Julle sal verskriklik lekker kuier en sal soos familie behandel word. Ons het regtig lekker tuis gevoel en die klein Jack Russel wil net heeltyd speel.

Rus vir 'n mens se siel.

Ek en my vrou het ongelooflik lekker daar oorgeslaap. Ons het die rutigheid geniet asook die gasvryheid.

Fantastic and incredible friendly service and accommodation.

One of our special overnight stops, anytime on our way from Kimberley to Vaal Triangle.

Great budget break with lovely garden.

We chose the small ground floor bedroom. There were bigger units upstairs, but being pensioners we didn't fancy steep stairs, and enjoyed the garden access. We had use of the enclosed Lapa with a fitted kitchenette and lounge with TV. It was cosy and relaxing. The two small dogs and cat were not a problem. Our hosts were very welcoming.

Skoon, netjiese, beskosbare verblyf met vriendelikheid daarby!

Sien sterre.

Mooi tuin met mooi uitleg.

Die gastehuis is baie netjies met 'n pragtige tuin. Die diens was puik. Sal dit definitief aanbeveel.

Asemrowend.

Altyd heerlik en vriendelik.

Nie vir baie jonk of bejaardes nie.

As jy reis met klein kindertjies asook bejaardes is die verblyf glad nie ideaal nie. Jy klim baie steil trappe na die kamers op die boonste verdieping en dit is redelik gevaarlik op of af. Die area waarin die gastehuis geleë is, is volgens my naby die industriële area. Ons ken nie die dorpie nie, dus was ons redelik verdwaald gewees en kon nie 'n eetplek kry nie. Daar was wel 'n wegneemeetplekkie beskikbaar, wat baie lekker kos verkoop het. Die verblyf is baie skoon en netjies, en parkering is agter 'n elektriese skuifhek. Oor die algemeen is dit 'n lekker plekkie, maar ek sal dit nie aanbeveel of weer gebruik nie.

Ek was baie beïndruk.

Ek was baie beïndruk met die gastehuis, ons het 15:00 'n troue gehad en ons kon sonder probleem bietjie vroeër inboek om reg te maak waarmee ek baie gelukkig was, Corne was baie vriendelik en aangenaam, sy het ook 'n baie lekker eetplek voorgestel. Ons sal definitief weer hier kom bly as ons in die area is. Ek en my man het 'n stil wegbreek gesoek en ons het dit definitief gekry.

Ons kon slaap en bad.

Ons is baie dankbaar dat ons slaapplek gekry het, maar daar is geen internet nie en ons het vir twee kamers geboek maar moes toe saam slaap in een kamer. Ons is wel nie dood nie maar is ongemaklik om in een kamer te slaap as jy geboek het vir twee.

Warmly welcomed and found everything to our satisfaction.

Will recommend this guest house to all our friends and those who would like to visit Leeudoringstad.

Was baie aangenaam verras.

Ons was aangenaam verras met alles. Gasvryheid, netheid, tuin, swembad en die hele opset.

Baie lekker en rustig.

Vriendelike diens, netjiese en ruim verblyf.

Netjies en aangename verblyf.

Die ontvangs was baie goed. Kamers is goed toegerus met lugversorging, TV, ens. Toegeruste kombuis met genoeg koffie, melk, ontbytpap, ens. Aangenaam verras met opset! Kan die gastehuis aanbeveel.

Gelukkig het ek werk gehad om te doen.

Dit was baie warm en gelukkig was daar lugversorging. Dis jammer dat ek nie aandete kon bespreek nie, het nie voor die tyd gereël nie. Ek moes vinnig verblyf bespreek en het op reis probleme met die internet gehad. Dit was 'n eensame verblyf, menende daar was nie ander mense om mee te gesels nie!