Lichenry Bush Lodge

Wildsplaas

Gratis kansellasie tot 1 week voor jou verblyf!
Kapasiteit: 34 persone
Inkloktyd: 14:00 tot 19:00
Uitkloktyd: 10:00
Adres: Vanaf die R101, Lichenry Bush Lodge, Mokopane, 0000, Limpopo
Alle ouderdomme is welkom
Vanaf R2 400 per nag, vir 2 mense

Beskrywing

Lichenry Bush Lodge is 'n lieflike wildlodge en word privaat besit. Dit is in Nooitverwacht geleë, langsaan die 7000 hektaar Doorndraaidam natuurreservaat in die Waterberg-omgewing. Dié wildlodge het 3 van die Groot Vyf en is net 2 ure vanaf Pretoria.

Verblyf is beskikbaar in 'n verskeidenheid verblyfopsies soos safarivillas en grasdak-chalets. Die lodges is vir die eksklusiewe gebruik van elke groep gaste en waarborg volkome privaatheid gedurende die verblyf.

Nooitverwacht is 'n toevlugsoord vir Afrika se skoonheid en huisves 'n ongelooflike verskeidenheid wild. Ons veldwagters, spoorsnyers en personeel op die perseel vorm deel van 'n fantastiese span entoesiastiese diereliefhebbers wat lief is daarvoor om hul kennis van die bosveld te deel. Daar word twee keer per dag wildritte op die perseel aangebied en dit word so beplan om die beste geleentheid vir wildkyk te kry. Wildritte in die aand kan ook gereël word, op soek na die luiperd of hiënas op die perseel. Ons veldwagters sal altyd gaste se veiligheid prioritiseer, maar gaste word ook gemaan om ten alle tye verantwoordelik te wees.

Gaste kan ook gedeeltes van die reservaat verken vanaf topklas-vierwielmotorfietse. Gaste moet ons inlig van hul vlak van ervaring sodat die regte roetes bespreek kan word. Daar is ook ander doendinge op die reservaat soos Groot 5-staproetes, begeleide staproetes, voëlkyk-safari's, fotografie-safari's, bergfietsroetes, safari-pieknieks en kleiduifskiet.

Let asb. deurgaans daarop dat daar nie 'n heining tussen die lodge en reservaat is nie. Luiperds, renosters en buffels word op Nooitverwacht gewaar en kan vrylik rondloop regdeur die reservaat en die lodge-areas. Giftige slange en skerpioene word ook op die perseel gevind, so wees asb. waaksaam en dra toe skoene wanneer jy in die nag in die kamp rondloop. Alle gaste wat die reservaat betree en gebruik maak van die geriewe wat aan hulle gebied word, doen dit op eie risiko. Onder geen omstandighede mag gaste sonder begeleiding van 'n personeellid of sekuriteitswag in die aande rondstap nie. Nooitverwacht is in 'n lae-risiko malariagebied geleë.

Kry ’n Kwotasie