Lodge 93 – Pinnacle Point Estate

Baie goeie booking. Sal weer wil book. Great value vir geld.

Lodge 93 as unit was perfek vir ons 4 volwassenes. Braaigeriewe ook goed. Baie lekker gebly vir 2 nagte. Sal weer wil bespreek en dan beslis gholf insluit!

'n Absolute, fantastiese ervaring!

'n Rustig en veilige plek om te kuier, met verskeie aktiwiteite. Alles wat 'n mens benodig en nog soveel meer.

Uitstekend en te kort om alles te doen en so aan.

Uitstekende vakansie-opsie in hoë-kwaliteit verblyf en vakansiebestemming met vele opsies om te geniet in Mosselbaai en Hartenbos asook die res van die Tuinroete.

Ons het heerlik gebly.

Die huis is stylvol ingerig met alles wat ons nodig gehad het.

Heerlike vakansie!

Steve is ‘n wonderlike gasheer en Lodge 93 het al ons verwagtinge oortref! Die eenheid se dekor was pragtig, goeie gehaltelinne en baie skoon. Die kinders kon fietsry in die oord en lekker swem in die swembad wat baie naby die eenheid is. Ons sal vir seker weer Lodge 93 bespreek!

We had an excellent stay.

We had an absolutely lovely stay and will definitely be back. If I had one recommendation though, it would be to put a dishwasher in the unit, no one wants to do dishes on holiday. The singing of the frogs and birds, made for a very tranquil weekend away. I would recommend this unit 100 times over.

Fantasties!

Ons het baie lekker gebly! Plek is baie goed toegerus, gemaklik en so mooi keurig gemeubileer. Alles was perfek en ons het so lekker gerus. Baie dankie! Julle sien ons definitief weer!

Heerlike blyplek op die gholfbaan en ook naby aan winkels en Mosselbaai self vir verdere aktiwiteite.

Ons het die blyplek baie geniet met alle geriewe byderhand. Die huis is blinkskoon en kom nuut voor met alles wat perfek werk. Die WiFi was wonderlik en het goed gewerk. Die buitestoele se armleunings was wel gebreek en daar was nie 'n haardroër nie, maar behalwe vir dit, het alles gewerk en was dit meer as goed genoeg vir 'n paar aande se oorbly. Die feit dat motors nie toegelaat word in die area nie, was beide heerlik rustig en soms effens frustrerend as mens vinnig iewers wou heengaan. Maar die span by Pinnacle was altyd meer as bereid om te kom op- en aflaai, dit het net beplanning gekos. Die parkering agter die casino was baie naby aan ons eenheid en dit was gerieflik toe die motor eers daar parkeer was. 'n Baie goeie blyplek vir die geld en ek sal dit met 'n geruste hart aanbeveel.

Wonderlik en genotvol.

Vir ek en my vrou was dit een van die maklikste, gerieflikste maniere om verblyf te bekom. Dit was redelik billik en ons kan redelik ander plekke besoek in ons tydjie by julle plek. Dit is ideaal.

Fantasties.

Wonderlike omgewing, stunning plek met al die geriewe, baie netjies en ek sal beslis weer Lodge 93 bespreek. Definitief meer as 'n 4 ster. Sal dit hoogs aanbeveel vir besigheidsreis sowel as vakansie.

Baie rustig!

Ons het heerlik gebly, net jammer dat ons motor moes buite staan.

Lieflik en spasie.

Netjies, skoon, baie mooi ligging.

Alles was 100%!

Goeie ligging, mooi uitsig, netjiese verblyf, goeie diens van oord. Hoogs aan te beveel.

Was wonderlik, rustige atmosfeer.

Die vervoer op die estate was al nadeel. Lank gewag tot hulle ons oplaai en gewag vir vervoer terug na lodge. Ons het sommer gestap.

Rustig en stil met ongelooflike see-uitsigte as jy rondstap en verken.

Ons het ons verblyf by Pinnacle Point geniet. Dit is rustig en stil. Jy kan rondstap en die voëls en see-uitsigte bewonder vanuit 'n veilige omgewing. Die huis is netjies en skoon en goed toegerus. Die personeel is besonders behulpsaam en vriendelik.

Ongerieflik omdat jy ver van jou voertuig af is.

Dit was nie ideale ligging in Mosselbaai nie, baie ongerieflik om nie voertuig by jou te hê nie.

Was baie lekker, maar 'n gholfkarretjie is definitief nodig.

Heerlik gebly, maar 'n gholfkarretjie moet al bespreek word dieselfde dag as die akkommodasie, anders kry jy nie een nie. Die res was uitstekend!

Was absoluut fantasties!

Ek sal beslis Lodge 93 aanbeveel, dis skoon, netjies, veilig en beslis waarde vir jou geld. Ons het elke oomblik geniet en kan nie wag om weer terug te kom na Lodge 93 nie!

Ons verblyf was ontspannend.

Rustige atmosfeer. Alles wat nodig is om 'n moeë siel en liggaam te voed! Geen verkeer maak dit 'n veilige beweeglike area vir kinders. Geen geraas. Heerlike skoon beddegoed en handdoeke, gerieflike kamers/beddens. Heerlike oopplan-kombuis, -eetarea en -sitkamer met DStv. Buite braai plek met mooie uitsig. Ons sal Pinnacle Point 93 werklik weer besoek.

Dit was baie lekker en prentjiemooi!

Dit was 'n ongelooflike ondervinding. Die kinders het die swembad en privaat strand baie geniet. Sal dit by enigiemand aanbeveel.

Lekker gekuier, mooi skoon geriewe.

Die dubbelbed was bietjie problematies met 4 mans, enkelbeddens sou beter wees. Geen beddegoed vir slaapbank, geen botteloopmaker nie. Ligging perfek, baie lekker gekuier, sal weer gaan.