Longview Ranch

A beautiful cottage in the mountains.

See stars.

Heerlike rustyd!

Dit was my vyfde keer by Longview Ranch. Elke keer is ek van voor af verlief op die uitsig, stilte en privaatheid. Dit is gerieflik, skoon, netjies en Lynette sorg altyd dat daar vars veldblomme is.

Asemrowende uitsig.

Verblyf was goed ingerig. Net die water faktor na die badkamers kort aandag.

Stilte, vrede en die natuur het ons verkwik. Dit was baie spesiaal.

As jy wil rus en net weer jouself wil vind, is die ligging en asemrowende uitsig van Longview Ranch jou beste opsie.

As mens wil weet hoe dit lyk in die hemel is Longview Ranch beslis die plek.

Die akkommodasie was puik en die natuurskoon asemrowend. Mag dalk net in die toekoms noem dat mense powerbanks saamneem vir fone, aangesien daar nie kragpunte is nie.

Rus en vrede.

Longview Ranch is die ideale wegbreekplek as jy wil wegkom van die elke dag se gejaag en tegnologie!

Gorgeous setting for a relaxed getaway.

We stayed at Kloof cottage with our 2 dogs and had the most wonderful time. Lynette was a wonderful hostess, and the farm was peaceful yet entertaining (it is a cattle farm after all). I highly recommend staying here if you get the chance.

Jy is in die Paradys!

Hier ervaar jy God se handewerk op alle vlakke. Onvergeetlike herhinneringe wat ons beslis sal dwing om weer en weer terug te gaan. Ons 4-been kind was in die sewende hemel, kosbare oomblikke vasgevang wat ons 'n leeftyd sal hou. Alles was perfek, ligging, mooiste kliphuis, mooiste uitsigte, groenste gras en velde, en die kaggel 'n absolute bonus! Dankie Lynette, die Kloof Kothuis was alles en nog meer! 'n Moet vir elkeen!

Baie rustig.

Vir 'n totale rus, sonder ander wat jou pla, genoeg hout vir die kaggel vir die hele naweek. Ons het baie gerus en die blomme in die veld is pragtig.

Lekker wegbreek van die stad. Vrede.

Vreedsaam en pragtig.

Heerlik gerus.

Longview Range is die perfekte plek om net af te sluit en te vergeet van al die gejaag in ons daaglikse lewe.

Loved it.

We enjoyed our stay so much at Kloof cottage. Peaceful and relaxing. Our dogs loved it as well. Lovely cottage.

Baie mooi en goed ingerig.

Sien sterre.

Ons het stilte en rus gesoek, maar ook 'n plekkie waar ons honde welkom sou wees. Ons het presies dit gekry.

Dit is duidelik dat die eienaars bietjie ekstra moeite doen om ons welkom te heet. Klein goedjies soos 'n pakkie beskuit, 'n blommetjie op die tafel. Dit het ons so spesiaal laat voel. Die naweek was koud en triesterig, maar daar was oorgenoeg hout vir die kaggel, en ons was heerlik warm. Ons was baie afgesonderd, en ons honde kon heerlik speel en rond hardloop sonder om 'n hindernis vir ander te wees.

Pragtige uitsig.

Die Kloof-kothuis is onafhanklik van die elektrisiteitsnetwerk, afgeleë in die veld langs 'n stroom met 'n praguitsig.

Stil, rustig, vreedsaam.

'n Lieflike kothuis om by te ontspan en weer mens te word. Wonderlike uitsig. Soveel stapplek vir ons en die honde. Baie dankie Lynette vir al die moeite en dat jy ons verblyf en viering so spesiaal gemaak het. My skoonma het dit so baie geniet en 'n paar keer die naweek gesê hoe spesiaal sy voel en hoe besonderse plek dit is. Ons het ook geloop tot by die plaat kosmosse - werklik indrukwekkend!

Dis my hartsplek waar siel en liggaam weer kan ontmoet. Baie romanties.

Beeldskone uitsig met 'n romantiese kliphuis waar jy wegbreek van elektrisiteit. Pragtige kaggel met genoeg hout om nagte om te kuier. Kan tot laatnag die jakkalse hoor.

Pragtige uitsigte en ’n rustige briesie wat waai.

Die moontlikheid om net af te skakel. Skoon, netjies en baie vriendelik.

Scenic and relaxing.

Second time there, we took our dog with and he loved it. Lovely to be outdoors caught a lot of fish, lovely bird life and animal life.

Definitief die plek om te rus, uitsig baie mooi.

Lekker stapplek. Stoep met baie mooi uitsig op die berge.

Dit is die pragtigste uitsig oor die berge en valleie

Die verblyf was netjies en nieteenstaande 'n stormagtige Vrydagnag was ons veilig sonder enige probleme. Die twee skotties het hulle gate uit baljaar teen die heuwels wat ons baie laat stap het.

Ongelooflike mooi ligging en gemaklike kothuis vir gesin.

Ek en my vrou het die area vreeslik geniet. Baie fietsry, drafopsies op die plaas self en omliggende grondpaaie vir langer afstand fietsritte. Was ook vir 'n oggend Dullstroom toe. Dit is of teerpad terug Belfast en dan Dullstroom toe of 30min met plaaspaaie (maar hiervoor is 'n hoë grondvryhoogte voertuig nodig). Het die kothuis baie geniet! Was heeldag op die stoep starend na die ongelooflike uitsig. Bring net eie hout of kole vir braai. Ook, die Kloof Cottage het jy liefs 'n groter voertuig nodig, veral vir die laaste 200m af na die kothuis. Vriende se Polo het die grondpad en plaaspad aangedurf, maar die laaste kilometer was vir hulle net te veel.

Was mooi om die natuurskoon te sien.

Ons het langs 'n pragtige kloof gebly, en kon uitkyk oor pragtige vlaktes en dale vanaf die stoep.

Heerlik ontspan.

Ek kom altyd weer en weer terug na Longview Ranch toe. Dis ideaal vir net lekker ontspan, afskakel en batterye herlaai. Dankie Lynette en Koos vir die gasvryheid. Altyd lekker om by julle te kuier.

My hartsplek.

Lekker wegkom uit stad. Pragtige uitsig met romantiese kloofhuis uit klip. Hier rus jou siel. Lekker om net op die stoep te sit en kuier en die natuur te geniet. Vriendelike gasvrou wat baie behulpsaam en tegemoedkomend is.

Beautiful, peaceful and tranquil.

Kloof Cottage has a beautiful view. Great place to relax and recharge your batteries.

Rustigheid, elke dag.

Dit was ons tweede kuier by Longview Ranch en die eerste keer saam met ons seuntjie waar ons in die Longview Cottage gebly het. Ons het die kuier verskriklik geniet, die rustigheid en uitsig (wat kilometers strek) elke dag is besonders, jy sien elke middag die mooiste sonsondergang. Verder kan mens lekker gaan loop op die plaas en visvang. As jy bietjie wil uitkom is Dullstroom om die draai vir 'n daguitstappie. Ons sal beslis Longview Ranch aanbeveel vir enige iemand wat stilte soek en 'n mooi uitsig waardeer.

Rus en vrede.

Rus en vrede met 'n uitsig wat onbeskryflik is. Of jy niks wil doen of stap of meer aktief wil wees. Maak jou keuse. Sal weer teruggaan.

Wonderlike, rustige naweek.

Baie lekker rustig en stil. Uitsig was spectacular!

Dit is 'n plek waar jou siel 'n ruskans kry. Onbeskryflik mooi en rustig weg van als af!

Die plekkie was ten volle uitgerus met als wat jy nodig sal hê om net te kan rus. Mens kan gaan na die bestemming om net rus en vrede te kry van die besige lewe wat ons deesdae het.

Heerlike rustigheid.

Ons het weer eens heerlik gekuier by julle, Lynette. Die honde het dit terdeë geniet. Dankie vir die gasvryheid en ook weer eens die heerlike beskuit. Dit was heerlik om so by die kaggelvuur te sit en lees en net weer tot stilstand te kom en heerlik te ontspan. Ons sien julle vir seker weer.

Fantastiese wegbreek van stadslewe.

Vriendelike gasvryheid deur Lynette, niks staan skeef vir haar hande nie. Selfs die welkom-beskuit is 'n wenner. Die omgewing en sonsondergange is onoortreflik met die beeste wat so nou en dan kom groet.

Die uitsig is amazing en die ligging fantasties, ongelooflike cozy plek.

Ons het in die Longview Cottage gebly. Dit was 'n wonderlike ervaring om vir 'n verandering sonder elektrisiteit en die gewone "luxuries" klaar te kom. As jou selfoon se battery pap raak, vergeet maar van charge en maak vrede met die feit dat jy hom glad nie daar nodig het nie. Die plek is baie lekker ingerig en gemaklik. Dit raak verskriklik koud. Ek sal sterk aanraai om so warm dingetjie of twee saam te vat of dalk 'n bietjie meer. Gaan definitief binnekort weer terug.

'n Baie besonderse omgewing - hou vas jou hart, jy gaan hom verloor.

Longview Ranch het al 4 jaar gelede diep in ons harte gekruip. Die asemrowende omgewing is onbeskryflik en hulle het 'n verskeidenheid van aktiwiteite, soos visvang en roetes vir stap met die honde en fietsry op die plaas. Hier kan jy ook kies om heel naweek binne te sit by die kaggel met 'n glas wyn en 'n goeie boek terwyl jy oor die golwende hooglande uitkyk. Koos en Lynette se gasvryheid is onmeetbaar. Ons is toe ook later op die plaas getroud en sal altyd daarheen wil terugkeer. Weereens 'n wonderlike ervaring!

Uitsig 1000.

Ons het ons naweek by Longview Ranch ontsagtlik baie geniet! Die uitsigte is iets om te bewonder en mens voel rerig afgesonder in 'n goeie manier aangesien jy niemand anders naby jou woning het. Die Longview Cottage het net wat jy nodig het, ons het niks kortgekom. Alles is skoon en netjies. As jy sielsrus nodig het, oorweeg gerus Longview Ranch!

Wonderlike ligging en fantastiese eenhede.

Die eenhede het als wat jy nodig het en nog meer. Al die eenhede is ver uitmekaar, so jy sien nie ander mense die hele naweek nie. Super spesiale plek vir ons.

Pragtige uitsig.

Pragtige kliphuis en uitsig. Ons het dit baie geniet.

Pragtige, rustige plekkie, dit was sielskos.

Dit was 'n wonderlike wegbreek vir my en my man. Ons sal vir seker weer teruggaan.

Beste wegbreek van die besige stad.

As jy in die middel van niks en nêrens wil wees, in Longview Ranch jou antwoord. 'n Netjiese kothuis met 'n uitsig van niks anders as berge en beeste nie, stilte en rus. Die kothuis is baie oulik toegerus en ons het niks kortgekom nie. Die kaggels maak die klip kothuis so lekker warm dat jy glad nie besef hoe koud dit buite is nie, en die bed en beddegoed is lekker, met 'n keteltjie wat fluit en lekker tuisgemaakte beskuit. Definitief die ideale plek om jou siel weer te vind.

'n Heerlike wegbreeknaweek sommer hier om die draai.

Ek en my vroutjie Celia het weereens Longview Ranch besoek vir ons midwinter wegbreek saam met ons twee honnes. Ons kon heerlik ontspan voor die kaggelvuur en net sit en niks doen. Ons het heerlik gesels, gelees, middagslapies geneem en die uitsig oor die vallei geniet. Dit was weereens 'n heerlike naweek wegbreek. Dit was net bietjie kort, maar tog nodig. Die Longview Cottage was baie netjies en was goed ingerig. Ons het heerlik onder die dik vere duvet geslaap en glad nie koud gekry nie. Die ekstra beskuit wat Lynette vir ons gelos het was voorwaar 'n wenner. Ons sal beslis weer kom kuier.

Peaceful, clean and comfortable.

4 adults stayed at Kloof Cottage for 5 nights, loved it as we walked in, lovely big undercover veranda with views across the farmlands, clean, comfortable, best of all peace and quiet, just what we needed to renew our own batteries. Hot water via solar panel on roof and a big fire place in the lounge, stunning sitting out on the deck watching the sun set with a glass of wine in hand. Town of Dullstroom is 26 km from the cottage, we travelled to Dullstroom everyday, as there is so much to see and do in Dullstroom, wish we could have stayed longer.

Ons sal Longview Ranch enige tyd aanbeveel vir 'n rustige wegbreek van die stad. Ons sal definitief weer gaan.

Ons het 'n wonderlike naweek by die Kloof Kothuis deurgebring. Die fasiliteit is netjies en wel ingerig. 'n Ideale wegbreek van die stad. Ons sal definitief weer gaan kuier.

Lovely views and peaceful.

We had an awesome time at Longview Ranch.

Ongelooflik.

Die hele opset laat jou so rustig voel. Het na die tyd gevoel of ek week weg was al was dit net 2 dae. Gaan definitief weer gaan. My honde het die ooptes net so geniet en dis wat ek wou he dat hulle net so lekker kuier omdat hulle in klein erf bly.

Absoluut wonderlik. So mooi en rustig.

Wat 'n wonderlike wegbreekplek. Dis pragtig. Die natuurskoon is asemrowend. Die huisie is pragtig en die kaggel is 'n bonus.

Daar is net 1 woord: awesome!

Dit is die 3de keer dat ons Longview Ranch besoek. Ons het die 1ste keer in die Kloof huisie tuis gegaan. Die 2de keer het ek Wattle Creek geboek vir my ma se 83ste verjaarsdag. Ek beveel dit aan vir enigiemand wat wil ontspan of 'n funksie wil doen (Wattle Creek, cowboy-dorpie soos ek dit noem) Die 3de keer weer by die Kloof Huisie. Dit was wonderlik. Die eienaars is die dierbaarste mense ooit! Ons sal beslis weer gaan. Dit is asemrowend mooi, tussen die klowe, en in die aande kan mens amper die sterre pluk aan die hemelruim. Daar beleef ek rus en vrede. En weereens besef ons hoe mooi en wonderlik alles is.

Peaceful, silence, good food for your soul.

Great experience. Our doggies loved the freedom and we enjoyed the simplicity, peace and quiet!

Asemrowend mooi wegglip uit besige lewe.

Dis ons derde terugkeer na Longview Ranch en elke keer slaan die skoonheid en pragtige cottage ons gaste se asems weg. Maak net seker jou voertuig is hoog genoeg vir die grondpad.

Die rustigheid was onbeskryflik. Pragtige kothuis met 'n lieflike uitsig.

Ons het die naweek baie geniet. Die kothuis is baie gerieflik en goed toegerus. Ek het Lynette se verwelkoming baie waardeer. Die weer het ons geforseer om te rus en lekker voor die kaggels te sit en ontspan. Sal beslis weer wil gaan. Dit is so lekker om met volle vryheid te kan loop en die oop ruimtes en vars lug te kan geniet.

Exceptional relaxation destination.

Was a very relaxing breakaway. All our expectations were met.

Was 'n wonderlike, rustige naweek omring met natuurskoon.

Pragtige plekkie, met als wat jy nodig het. Oorgenoeg hout word voorsien en in pragtige omgewing. Sal vir seker weer teruggaan.

Fantasties gewees.

Baie mooi en stil akkommodasie, baie mooi en netjies, beslis 'n plek om jou self net weer te vind. Eienaars baie vriendelik en behulpsaam. Gaan beslis weer. Beveel net aan dat 'n mens met 'n voertuig met goeie grondvryhoogte gaan.

Great stay.

The place need attention. There was no dish cloth and droppings of bats in the roof landed on bed through opening in ceiling above the bed. The fire places also need little attention. But, it was a wonderful stay!! Will go again.

Rustig, ontspan heerlik, veilig en 'n besondere skoonheid.

Heerlik om te gaan ontspan, bassa vang, 'n rustige atmosfeer. Een klein probleempie was dat die yskasgeriewe nie wonderlik is nie. Daar is net 'n vrieskas, so 'n yskas/vrieskas sal waardeer word vir 'n mens se koeldrank en melk ens. as jy langer as 3 dae gaan. Verder, as jy die rustigheid wil waardeer, gaan gerus.

Relaxing, private, beautiful scenery.

A lovely getaway from the daily rush. Stone house with a fireplace in the mountains, near Dullstroom. You need a 4x4 to travel comfortably as the road is not tarred and quite rough.

Heerlik! Hierdie was die vierde keer wat ons hier bly en elke keer bly dit besonders.

Ons het nou al 4 keer hier bebly en kom elke keer terug. Verblyf het alles wat mens nodig het en die rustigheid en stilte is wonderlik!

Baie rustig.

Pragtige plek, baie rustig.

Ligging onverbeterlik, veilig, rustig, pragtig maar kothuis self 'n teleurstelling: kort dringend vernuwing en behoorlike skoonmaak binne en buite!

Ligging van Kloof-kothuis privaat en perfek vir 'n romantiese wegbreek. Vriendelike ontvangs. Wonderlike uitsig en natuurskoon. Pragtige sonsondergange. Rustig, veilig, stil. Niks gesukkel met vuurmaak of warm water en gas nie, genoeg vuurmaakhout. Kothuis se uitleg pragtig. Het heerlik gestort, maar behalwe vir beddegoed, toilet en handdoeke wat silwerskoon was, was die huis, stoep en meubels ongelukkig aan die vuil en stowwerige kant. Die verweerde voorkoms is hier net te ver gevoer en slaag nie. Dis jammer aangesien 'n behoorlike opknap, en gereelde deeglike skoonmaak binne en buite die knus plekkie 'n ware juweel kan maak. Eetgerei kan ook aangevul word, daar is bv. slegs 2 teelepels. Ook geen hangers of rakke vir klere uitpak in slaapkamerkas nie.

Die rustigste pragtigste plekkie in die berge, niks en niemand pla jou nie, weg van die stad se geraas.

Dit was 'n heerlike ondervinding, met die plaasatmosfeer en die rustigheid. Kaggelvuur gemaak en net lekker gesels en gekuier. Naby aan Dullstroom en Belfast. Rêrig 'n plekkie om te besoek.

Stilte, vars lug en rustigheid.

Die plek om te gaan wanneer jy wil wegkom van die stadslewe.

Romantiese wegkomplek met die mooiste uitsig.

Vriendelike ontvangs wat jou so welkom laat voel. Die uitsig is onverbeterlik en selfs die koue nat weer met die mis in die klowe het 'n nuwe bekoring tot die cottage gegee. Kloof Cottage bly 'n belewenis!

Lekker op die plaas saam met my honde!

Sien sterre.

Asemrowend, kan nie in een sin beskryf hoe ongelooflik mooi en lekker dit was nie.

Ons sal enige tyd weer gaan, sal dit vir almal aanbeveel wat 'n natuurliefhebber is en wat wil wegkom van al die stadsgejaagdheid, die veiligheid is iets om van te droom. Die sonsondergang is betowerend, kan dit nie beskryf nie, en die kaggelvuur maak dit so spesiaal. Die cottage is baie netjies, dit is net onbeskryflik mooi.

Hemels!

Dit is ons vierde keer wat ons Longview Ranch besoek. 'n Heerlike wegbreek van die gejaag van die stad. Voel al soos ons tweede huis en ons hondjies geniet die dam, ons gaan spesiaal hiernatoe net vir hulle.

Rustig en pragtig.

Heerlik op die plaas, pragtige uitsig en rustig! Lekker gebly. Mooi netjies en skoon. Sal vir seker weer gaan besoek.

Rustig.

Fantastiese paar dae se rus. Baie lekker sonder elektrisiteit en die eenheid is so goed toegerus dat mens dit nie eers mis nie. Daar is 'n son geyser, maar ons het gevra of ons eerder van die donkie gebruik kan maak. Veral dankbaar vir gasvrou se hulp met die kragopwekker toe ons seuntjie gestoom moes word! Alles mooi skoon en lekker beddegoed. My jongste seun het 'n mooi vis gevang en die gesin het die jong varkies vasgehou. Het altyd welkom en gemaklik gevoel. Sal verseker aanbeveel.

Als wat 'n mens nodig het.

Wat 'n heerlike rusnaweek op Longview Ranch. Die Longview Cottage was goed toegerus en ek en Celia het heerlik gerus en ontspan. Die twee honnes was ook baie tevrede. Baie dankie vir die heerlike beskuit Lynette. Ons sien julle weer binnekort. Danie en Celia Louw.

Idilliese wegbreek van alles, mens se siel rus en die Kloof Cottage is so romanties.

Hier rus jou siel en breek jy weg van televisie en elektroniese apparate. Lynette bied wonderlike diens en die Kloof Cottage is in perfekte toestand. Dis so romanties gebou en toegerus met wonderlike kaggel en genoeg hout.

Heerlik gebly. Hierdie was die tweede keer wat ons by Longview Ranch gebly het en ek sal weer terugkom!

Die gasvrou het ons so welkom laat voel en het nie omgegee dat ons vroeg incheck of laat uitcheck nie.

Die vreedsaamheid en uitsig is genesing vir die vermoeide!

Die verblyf is uitstekend en baie goed en prakties toegerus (met goeie kwaliteit) - skoon, vars en verwelkomend. Die afgesonderdheid en stilte was verkwikkend.

Baie netjiese plekkie vir wegbreek en ongeveer twee ure vanaf Gauteng.

Ons het ons 4-dag wegbreek baie geniet. Die uitsig op die plaas is ongelooflik en die ligging is baie afgeleë. Ons het in Augustus die plaas besoek gedurende 'n koue front en die kaggel was baie aangenaam. Neem in gedagte dat daar nie enige muur kragproppe is nie maar wel elektriese ligte aangedrewe deur 'n battery. Baie spasie en slaapplek vir kinders en volgende keer vat ons die woefies saam! Laastens, die eienares was baie behulpsaam, vriendelik en vrygewig.

Rustige, ontspanne wegbreek wat kwaliteit saam met familie bring.

Die pad soontoe, vanaf Belfast, is maar sleg. Ek het 'n sleepwa gehad met 'n motorfiets op en was maar heeltyd op my senuwees. Daar aangekom, was dit 'n aangename verrassing van hoe idillies die Kloof Cottage is. Uiters netjies met alles wat jy nodig het vir 'n lekker naweek. Net die yskas/vrieskas geriewe skiet tekort. Ek sal net in die toekoms my kampvrieskas saamneem, dan is daardie probleem uitgesorteer. Ons kinders wou al klaar weet wanneer ons weer soontoe kan gaan.

Onbeskryflike rustige plekkie.

Dit is heerlik om na 'n skoon en asemrowende plek te kom. Lynette het aan ons gedink omdat ons laat daar aangekom het - en vir ons gereël vir warm water. Die uitsig en vuur wat knetter in die huis - woorde ontgaan my.

Skerp!

Baie lekker, sal beslis weer daar draai.

Baie goeie verblyf.

Huise goed ingerig.

As jy stilte soek is dit die plek.

Baie stil en rustig, tyd vir baie lees, slaap, stap en ontspan. Kan koud word. Kaggels 'n pluspunt. 5 km hoof grondpad na plaas bietjie sleg, maar op die plaas is paaie tog baie gangbaar.

Asemrowende natuurskoon!

Die uitsig is asemrowend. Jy kan 360 grade sien, en sien geen huis of mens, net dalk 'n bees of twee!

Die plekkie is afgeleë en rustig.

Die plekkie is heerlik geleë maar het elektrisiteit nodig vir die geyser asook 'n plug om mens se foon te charge. As gevolg van geen krag het mens geen kommunikasie op die pad terug huis toe nie wat 'n probleem is veral as mens se motor onklaar kan raak. Die solarpanel maak nie voldoende warm nie dan sit mens met koue water en dis aaklig oor dit so koud is. Die gras moet ook om die kothuis gesny word asook die dam. Plekkie is baie knus en gesellig.

'n Hartlike verwelkoming met pragtige uitsig en heerlike akkommodasie.

Dis ons tweede keer wat ons hier kuier en sal beslis weer terugkom!

Absolute vrede!

Die naweek was soos altyd ongelooflik en rustig. Ons verlang wel na die donkie wat gebruik was om water warm te maak want die solar geiser kon net nie die mas opkom nie. Verder was alles briljant.

'n Plek waar jy jou siel kan verloor en weer vind.

Ons het nou al by altwee huisies gebly. Longview Ranch is perfek vir 'n paartjie. Kloof Cottage is perfek vir 'n familie van 4 - 6. Dit is die perfekte blyplek as jy jou viervoetige kinders wil saamvat. Ons twee honde was in die hemel en kon heeldag swem en verken. Die beste sonsondergange en kyk bietjie op na die hemel en die sterre in die aand. Dit is asemrowend.

Rus vir jou siel.

Die absolute rustigheid is wat almal nodig het om hulself weer te vind. Die huisie was skoon en netjies. Ons het elke dag gaan visvang, wat ons geniet. En ons het groot baars en 'n forel gevang. Ons sal dit aanbeveel vir mense wat van sulke rustigheid hou. Moet sê, die stilte die eerste twee dae was 'n aanpassing en ek sal net aanbeveel dat indien jy jou selfoon nodig moet hê - om iets saam te neem om dit mee te laai. Daar is geen kragproppe in die huisie nie, hulle loop slegs op gas en sonkrag. Maar ons het dit baie geniet en veilig gevoel. Dankie.

Dit was voorwaar 'n rustige wegbreek.

Lynette het baie moeite gedoen. Die huis was skoon, netjies en goed toegerus. Ons het die wegbreek baie geniet.

Hope vars lug en stilte!

Rustigheid is sielskos, weg van die gejaag van die stad!

Dit was baie rustig en cozy. Die plek het als wat nodig is en die uitsig is ongelooflik mooi.

Ons het die naweek baie geniet, om in die natuur te wees en weer die mooi van God se skepping te sien en beleef. Dit was heerlik sonder selfone en TV, om voor die kaggelvuur te lê en lees, die vroegoggend-koffie op die stoepie, en om te kyk hoe die son opkom en die mis lig. Dit hernuwe 'n mens se lus vir lewe. Ons sal beslis weer gaan.

Great weekend away

Great weekend away with kids.

Rustige omgewing as jy wil wegbreek van gejaag en net jouself wil vind!

Baie lekker naweek gehad met 'n asemrowende uitsig!

Baie rustig en stil.

Ons het 'n heerlike wegbreek gehad, en my Jack Russels kon weer hardloop. Baie dankie Lynette, wat dit vir ons moontlik gemaak het, ek sal Longview enige tyd aanbeveel as jy net wil wegkom uit die stad, en net weer jouself wil vind.

The place is lovely, but we had no real luck with the fishing.

For peace and quite it is really a lovely place. We enjoyed the view, sunsets and game viewing. We appreciated the rusks and flowers that the hosts left for us! We were disappointed that the fridge was actually a small deep freeze and the dam for fishing was approximately 1,7 km away from the cottage. We caught a few bass, but had no luck with catching trout.

Asemrowend.

Was baie lekker. Ons het dit terdeë geniet en heerlik gerus.

Rus en vrede om kwaliteit-tyd te spandeer.

Longview Ranch is lekker afgesonder in 'n baie mooi omgewing en Kloof Cottage 'n baie mooi en praktiese huisie. Die hoof-grondpad na die plaas is nie die beste nie, maar dit maak dit lekker om by die eindbestemming te arriveer. Die kinders het die dam, bergklim- en fietsry-geleenthede baie geniet. Verder is die gebrek aan elektrisiteit (ligte word via 'n battery voorsien) 'n groot bonus om kwaliteit-tyd saam te spandeer.

Ideale wegbreek om te herlaai.

Die huisie was baie goed ingerig! Die son-geiser sukkel maar om genoeg warm water te gee as dit bewolk is. Ons het heerlik ontspan. Ons sal definitief weer gaan.

Bitter lekker tyd gehad, goeie rus ervaar en lekker vis gevang. Die honde het dit vreeslik geniet!

Baie netjies en basiese huis. Niks meer of minder as wat nodig is nie. Daar is geen gejaag nie. Hierdie sal die ideale plek wees om na weg te breek vir 'n naweek - weg van die stad se gejaag. Honde is welkom en geniet dit vreeslik!

An incredibly beautiful and tranquil place to relax and just breathe. The ideal break.

Incredible views. Rustic hearty cottage. Everything you would imagine to make the perfect relaxing getaway. Very romantic.

Lekker, rustig en stil.

Lekker gekuier. Daar was 'n probleem of twee. Maar nogtans lekker gerus.

Ons sal beslis weer by Longview Ranch oorbly!

Longview Ranch bied jou die wegbreek kans wat alle stadsjapies met hul gejaagde lewensstyl so dikwels na hunker. Die Longview Cottage is ten volle toegerus met als wat jy mag benodig. Selfs die die donkie geiser het puik gewerk. Kom voorbereid om af te skakel en batterye te laai want dit is wat die kliphuisie jou gaan bied. Of jy nou wil gaan stap, fietsry, braai, sterre kyk, of net sit en boeklees, kom doen dit gerus by Longview Ranch. Jy sal nie spyt wees nie. Baie dankie aan Lynette en haar span. Ons het ons tydjie terdeë geniet.

A tranquil "get-away-from-it all" destination where one can relax and soak up the solitude and peace.

The cottage is well appointed with stunning views and attentive hosts. The peace and solitude is awesome and we loved the fierce lightning storm we watched from the big deck. The only 2 criticisms I have is that the photo looks as if there is a fishing dam right in front of the cottage but this is not the case and the dams are quite far away; and there is a tiny chest fridge/freezer which is not adequate for a family of 5 for the 3 days that we were there - if we had known about this we would have catered differently, so it is vital to inform guests about this beforehand. Otherwise, a lovely place.

Klip kothuis met 'n skilderagtige uitsig.

Ons het in Longview Cottage gebly vir die naweek. Dit was baie rustige verblyf. Die kothuis is goed toegerus, maar het 'n baie klein yskas. Dit was my eerste ervaring met 'n donkie geyser en dit werk baie goed (as 'n mens 'n vuur kan maak). Die uitsig was asemrowend, die beste wat ek ooit gesien het vanaf 'n blyplek. Baie dankie aan Lynette vir haar gasvryheid. Ons het die naweek baie geniet.

Die plaas is goed geleë met pragtige uitsig.

Huis was 80%, gebrek aan geskikte yskas en vrieskas is ernstige tekortkoming. Gasvrou het nie die huis gekontrolleer voordat ons ingetrek het nie, toiletpapier was later eers afgelewer nadat ons moes navraag doen. Indien daar 'n gas- of paraffien-yskas beskikbaar is sal ons weer daar gaan bly.

Saligheid.

Baie oulike plekkie. Die honde het dit vreeslik geniet.

Perfek!

Dit was rustig en die stilte is wonderlik. Die verblyf is netjies en goed toegerus, kaggel is heerlik en die ligging is perfek. Ons gaan vir seker weer daar kuier.

Ons het 'n heerlike rustige Kersfees met ons 3 labradors op die plaas gehad.

Longview is 'n juweel. Ons het rustig gekuier, die ander huise op die plaas is ver genoeg dat niemand jou pla nie. Die reën was 'n lafenis na die hitte in Gauteng. Ons het selfs Kersaand voor die kaggel ontspan met 'n koue Dullstroom luggie buite.

Dit is 'n perfekte stukkie hemel.

Dit is ongelooflik lekker om daar te bly. Ons naweek daar in die Longview Cottage was net so lekker. As ons geweet het hoe lekker dit sou wees sou ons vroeër al daar gewees het en langer gebly het. Die dat ons sommer gou weer daar 'n draai sal maak. Die Cottage self is so mooi uitgelê en die dekor is net so perfek. Daai bed is so gemaklik en ons het elke aand so lekker geslaap met die vuurtjie wat brand in die kaggel. Die kombuis is eintlik enige vrou se droom want niks kort daar nie. Jy kan wraggies net met jou klere daar opdaag want die res is reeds daar. Die omgewing wat om die huisie is, is so ongelooflik mooi en om 'n foto daarvan te hê doen dit nie behoorlik "justice" nie. Jy moet dit net self beleef. Die Vrydagaand is ons bederf met 'n panoramiese donderstorm. So iets het ek in my lewe nie beleef nie. Die volgende dag het ons lekker gaan visvang en gaan voetslaan in die kloof af. Dit was regtig so lekker rustig om net te kon wegbreek van die stad. Ons sal definitief gou weer daar 'n draai moet maak sodat ons weer 'n stukkie hemel kan ervaar. Want die rustigheid daar en die natuurskoon laat jou nie anders as sielsgelukkig en tevrede voel nie. Julle sal ons weer daar sien. Groete. (Pretoria)

Salig, die ideale plek om te "recharge"!

Na aan die natuur ervaring, ongelooflike uitsig. Akkommodasie baie gerieflike, smaakvol en 'n ware plaashuis-ervaring. Kaggel is die middelpunt van eindelose kuier. Lynette is 'n uitstekende gasvrou. Beslis 'n wegbreekplekkie vir jou lysie.

Quite, peaceful place. Food for your soul.

The accommodation is beautiful. The kids enjoyed the change in scenery, away from electronics, and just connecting with nature. Good quality family time. We will most definitely visit again.

Onbeskryflik! Baie netjies, skoon omgewing en baie netjiese fasiliteite. Vriendelike ontvangs.

'n Rustige atmosfeer, 'n wonderlike ervaring! Die natuurskoon is werklik onbeskryflik mooi. 'n Aanbeveling vir ieder en elk wat van stilte, rustigheid hou en die natuurskoon bewonder. 'n Plekkie waar jy weer jouself kan vind en gehaltetyd met mekaar kan deurbring.

Knus klipkothuis met 2 kaggels en 'n wonderlike uitsig vanaf die stoep.

Die oulikste plek. Ons het heerlik met die honde gestap, visgevang en was veral baie beïndruk met Wattle Creek. Ons sal graag funksies eendag daar wil aanbied. Die wegbreek het ons so goed gedoen!

Baie rustig en mooi natuur, netjiese en skoon verblyf.

Ek sal dit verseker aan ander aanbeveel, en self weer gaan kuier.

Baie rustige ervaring in die natuurskoon.

Netjiese plekkie met 'n baie rustige atmosfeer. Alles wat jy nodig het tot jou beskikking. Pragtige natuurskoon. Wonderlike ervaring.

Wonderlike plek om af te skakel!

As jy van die stad se gejaag wil wegkom, is hierdie net die plek. Jou gees vang jou lyf hier. Dit was 'n heerlike ervaring gewees. Lynette het as gasvrou die ekstra myl gestap. Baie dankie vir alles.

Ons het so lekker gebly. Die plekkie steel jou hart.

Pragtige romantiese kliphuisie met kaggel in die slaapkamer en sitkamer. Hier is nie krag nie, maar die plekkie is so goed ingerig dat mens dit nie eers agter kom nie. Die donkie moet vroeg gestook word vir lekker warm water en die kaggel moet vroeg aangesteek word. Vat 'n radio met batterye saam vir lekker romantiese musiek in die aand. Saam met die kaggel en rooiwyntjie is dit 'n onvergeetlike ervaring. Die uitsig en lekker visvang maak alles 'n volmaakte, prentjiemooi ervaring. Dankie Lynette wat so mooi na ons omgesien het. Haar hande staan vir niks verkeerd nie. LekkeSlaap, dankie, ons sal weer van julle dienste gebruik maak.

Die verblyf by die kothuis was pragtig skoon en netjies met 'n pragtige uitsig oor die vallei.

Ek en my vroutjie en die Worshond en Pekinese het heerlik gekuier. Diekothuis was pragtig skoon en netjies en ons het ten volle gebruik gemaak van die geleentheid om voor so 'n heerlike kaggelvuur te sit en kuier. Dit was 'n heerlike wegbreeknaweek van ontspan en rustig raak. Ons sien julle beslis weer. Baie dankie vir die gasvryheid. Danie en Celia Louw en hones.