Luiperdkloof Trout Lodge

Selfsorg

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Kliplaatdrift plaas, Urecht, 2980, KwaZulu-Natal
Alle ouderdomme is welkom
Vanaf R1 000 per nag (plek vir 4)

Beskrywing

Luiperdkloof is 'n 1900 hektaar werkende beesplaas wat in die skilderagtige Baleleberge tussen Wakkerstroom, Utrecht, Vryheid en Paulpietersburg geleë is.

Ons bied akkommodasie in 2 pragtige chalets wat oor een van ons foreldamme uitkyk. Die chalets bied elk slaapplek vir tot 6 mense en beskik oor 2 en suite-slaapkamers met 'n koningingrootte-bed, 2 enkelbeddens en 'n slaapbank in die sitkamer. Daar is 'n ten volle toegeruste kombuis en 'n oopplan-sitkamerarea met 'n kaggel om jou lekker warm te hou in die winter. Sit op die stoep en verlustig jouself in die pragtige uitsigte terwyl jy 'n ogie hou oor jou vangs op die kole.

Daar is hope pret en avontuur wat op ons gaste wag. Gaste kan visvang by ons 2 foreldamme, ontspan in ons trapbootjie of voetslaan deur die pragtige Balelevallei. Op warm somersdae kan gaste afkoel in die lieflike bergstrome. Daar is ook heelwat voëlkykgeleenthede in die area, siende dat ons deel uitmaak van die Amajuba Birding Meander in die noorde van KwaZulu-Natal, die Oos-Vrystaat en die suide van Mpumalanga waar die huidige spesietelling meer as 400 is.

Utrecht is 'n dorpie in 'n wildpark en dis net 30 km van ons af geleë. Die dorpie spog ook met 'n uitstekende 9 putjie-gholfbaan. Wakkerstroom is 60 km weg en bied uitstekende restaurante, kafees en bekoorlike winkels.

Let asb. daarop dat 'n grondpad na die eenhede lei en 'n motor met 'n hoë grondvryhoogte aanbeveel word.

Kry ’n Kwotasie