Marloth Wild Fig

Selfsorg

Langtermynverblyf-aanbod 30% af

Kry 30% af vir verblyf wat 30 nagte of langer is. Geldig vir verblyf vanaf 27 Feb 2024 tot 12 Des 2024.

Kapasiteit: 4 mense
Inkloktyd: 14:00 tot 00:00
Uitkloktyd: 10:00
Adres: Volstruisstraat 1538, Marlothpark, Marlothpark, 1321, Mpumalanga
Alle ouderdomme is welkom
Vanaf ~~R880~~ R616 per nag (plek vir 2)

Beskrywing

Marloth Wild Fig bied 'n rustige toevlugsoord aan in die ongerepte bos wat Marlothpark omring. Dit is sowat 5 minute se stap deur bosveld na die Krokodilrivier wat langs die Krugerwildtuin is. Marlothpark is 'n bewarea en 'n vakansiedorp wat aan die suidelike grens van die Krugerwildtuin geleë is. Dit is 'n gewilde bestemming vir toeriste wat na die Krugerwildtuin, Swaziland en Mosambiek reis, en bied 'n kans om die befaamde Groot Vyf te besigtig.

Die huis het 'n sonkragstelsel en ervaar nie beurtkrag nie, maar as dit vir baie opeenvolgende dae bewolg is en daar is baie kragonderbrekings, word gaste sterk aangeraai om nie die lugversorging aan te skakel nie.

Die hoofhuis het slaapplek vir 4 gaste en beskik oor 2 slaapkamers met en suite-badkamers, 'n goed toegeruste kombuis, leefarea en 'n derde buitestort. Daar is ook 'n gemaklike rusbank is in die leefarea.

Die ateljeewoonstel is geskik vir 2 gaste en beskik oor 'n badkamer en 'n oopplan-kombuisie met 'n skottelgoedwasser wat na die leefarea lei. 'n Koninggrootte-bed is beskikbaar en daar is ook 'n oopvou-rusbank.

Albei eenhede het 'n platskerm-TV met n "smart device" waarop jy kan inteken op jou eie Netflix of DStv rekening, asook YouTube kyk met die gratis, onbeperkte WiFi. Albei het 'n private braai-areas. Lugversorging is op 'n voorafbetaalde basis beskikbaar.

Doendinge in die omgewing sluit wildritte, wildbesigtigings, voëlkyk, 4x4-roetes en voetslaan in die omgewing in. Gaste kan wandel of fietsry langs die grens van die Krugerwildtuin en Krokodilbrug is sowat 15 minute se ry vanaf die eiendom en is die naaste ingang tot in die Krugerwildtuin.

Daar is 2 klein winkelsentrums in Marlothpark en heelwat restaurante, asook 2 gemeenskaplike swembaddens sowat 3 km vanaf die eiendom. Een van hierdie swembadgeriewe is ’n waterpark met swembaddens, glybane en ’n putt-putt baan.

Kry ’n Kwotasie