MooiBerge Selfsorg

Pleasant farm getaway.

Great place to go to relax, very friendly owners.

Baie rustig gekuier.

Ons het baie lekker en rustig gekuier op die Mooiberge Selfsorgplaas. Gasvryheid van die hoogste gehalte en baie interessant om te weet hoe alles op die plaas werk.

Baie gemaklik en skoon.

MooiBerge is 'n pragtige plaas. Het lekker gekuier en deur die koejawelboorde gestap. Het die diere gevoer (bees, skaap, eende en hoenders). Ons 9 maande dogtertjie het dit baie geniet en dit was gemaklik met haar. Ons het koejawels gepluk. Die tannie en oom is baie behulpsaam en vriendelik. Was 'n great naweek. Sal weer MooiBerge besoek.

Rustig, netjies en in die natuur.

Ons het ons verblyf baie geniet. Nonnie was baie vriendelik en behulpsaam. Alles was netjies en gerieflik. Ons sal definitief weer daar bespreek.

Rustig en baie netjies geriewe.

Die Oom en Tannie was baie vriendelik en ons sal enige tyd weer hierheen gaan. Die tuisgemaakte heuning wat te koop is maak dit net nog meer eg Suid Afrikaans. Die huisie self is baie gerieflik met lugverkoelers vir die warm Porterville-dae. Eie braaigeriewe en die tjoepstil donker nagte is asemrowend.

Wonderlike ervaring en heerlik rustig!

Ons was aangenaam verras met die omgewing. Plaas en eindelose uitsigte aan die een kant en berge aan die ander kant. Die gasheer en gasvrou is wonderlik en baie vriendelik, asook behulpsaam en ons het pret gehad met skape aanjaag en hanslammers melk gee. Die lekkerte was toe ons kon vrugte pluk in die boorde - koejawels was volop en ons het alreeds ingelê. Dit was 'n ervaring wat ons altyd sal bybly en ons gaan beslis weer soontoe. Beslis kindervriendelik. My 10 jarige dogter het 'n absolute fees gehad.

Netjies en skoon en geleë teen die mooi berge met die mooiste uitsig.

Mooiberge sal ons beslis weer sien! Uitstekende diens en beautiful plek!