Mopane Bush Lodge

Wildsplaas

Soos Gesien op Facebook
Kapasiteit: 46 persone
Inkloktyd: 14:00 tot 19:00
Uitkloktyd: 10:00
Adres: Mapesu Plaas, Horizon, Musina, 0900, Limpopo
Alle ouderdomme is welkom
Vanaf R2 290 per nag, vir 2 mense

Beskrywing

Mopane Bush Lodge is 'n 4-ster wildlodge wat in Mapungubwe Nasionale Park na aan Musina in Limpopo geleë is. Dis die ideale verblyf vir gaste wat op soek is na hartlike gasvryheid, gerieflike verblyf en 'n safari-ervaring.

Verblyf by Mopane Bush Lodge word in 8 chalets met grasdakke en luukse dekor met 'n Afrika-tema gebied. Die chalets het elkeen 2 gemaklike enkelbeddens, 'n en suite-badkamer met 'n stort, wasbak en toilet, en 'n privaat stoep met 'n buitestort. Geriewe in elke chalet sluit 'n kluis in die kamer, 'n haardroër, spieëltafel, klerekas met oorgenoeg pakplek, koffie- en teemaakgeriewe en ander luukshede in. Daar is 12 kampeerplekke wat elk slaapplek vir 2 gaste het. Daar is ook aparte badkamers met toilette en storte.

Gaste kan smullekker maaltye geniet wat in die eetkamer of langs die vuur in die boma onder die sterrehemel bedien word. Mopane Bush Lodge het ook 'n kroeg by die swembad- en lapa-area waar gaste allerlei drankies kan geniet. In die hoofgebou is daar 'n gerieflike, gemeenskaplike sitkamer met 'n klein biblioteek waar gaste luilekker langs die kaggelvuur in die winter kan ontspan.

Die lodge reël ook verskeie toere, soos wildritte en begeleide wandelinge deur die reservaat. Gaste kan ook 'n hele rits aktiwiteite aanpak, soos 4x4-roetes, voëlkyk, staproetes, wildkyk en nog baie meer.

Kry ’n Kwotasie