Muse on Griesel

Huislik, gerieflik en baie netjies.

Baie lekker gebly. Daar was melk en koeldranke in die yskassie, 'n vrugtebak en alles wat nodig is om gemaklik en tuis te voel. Die woonstelletjie is lekker ruim, ons was drie volwassenes, maar het nooit beknop gevoel nie.

Gerieflik en gemaklik.

Sue is definitief n puik gasvrou. Die week nog voor ons gekom het, het sy al met ons kontak gemaak rakende ons verblyf. Sy het 'n funksie gehad die Vrydagaand van ons koms en tog nog vir ons gewag tot ons gearriveer het. Die cottage is gerieflik ingerig, net wat mens nodig het vir 'n naweek se verblyf. Perfek geleë, naby restaurante en winkels. Sal hierdie beslis aanbeveel vir enige sakereis, naweekverblyf of oornagverblyf.

Oorskry verwagtinge by myle.

Ons reis gereeld en hierdie ervaring het by verre ons hoogste verwagtinge oortref. Baie gerieflik, skoon en tegemoetkomend. Daar is niks waarmee ons kan fout vind nie. Ons sal vir seker weer daar wil tyd spandeer in die toekoms.

Wow wat 'n belewenis.

Ons reis baie en Muse on Griesel was sover die beste plek waar ons al ooit geslaap het. Dis naby baie winkels maar tog so stil dat mens nie eers kan glo jy is in die stad nie. Ons is hartlik verwelkom. Die kamer was skoon en netjies met alles wat mens nodig kan hê, kompleet met spesiaal gebakte piesangbrood in die yskas. Alles in die yskas was komplimentêr en die kombuis is volledig uitgerus. Ons het selfs 'n geskenkie gekry toe ons vertrek. Ons sal beslis weer daar oorslaap wanneer ons weer in die omgewing is. Enige iemand kan daar oorslaap, jy sal nie teleurgesteld wees nie.

Vriendelik, netjies, sal vir seker weer gebruik maak van Muse on Griessel in die toekoms.

Sien sterre.

Baie lekker en gemaklike verblyf.

Baie lekker en gemaklik. Sal dit aanbeveel.

Ons verwagtings is by verre oorskry.

Muse on Griesel is gerieflik, bekostigbaar, privaat en lewer onverbeterlike diens. Die omgewing is rustig, die woonstel ruim en uiters goed toegerus, die puik skoonmaakdiens onopsigtelik en die tuin 'n lus vir die oog.

Dit was fantasties!

Dit was die beste toegeruste plek waar ons nog oorgebly het. Die gasvrou is so behulpsaam en buig agter oor om jou verblyf fantasties te maak. Beste plek waar ons nog oorgebly het!

Fantasties.

Dit was gerieflik en skoon. Daar is werklik aan elke dingetjie gedink. Vriendelik ontvang en veilige parkering. Sal beslis weer daar gaan uitspan!

Lekker.

Ons het baie lekker gebly en sal beslis weer daar gaan aanklop.

Die blyplek en diens was baie goed gewees.

Die eenheid is netjies en skoon. Die diens wat ons ontvang het was baie goed. Ons het ontbyt gehad en dit was smaakvol en meer as genoeg. Ons kan beslis die blyplek aan voornemende gaste aanbeveel.