Natspat Unit 2

Selfsorg

Gratis kansellasie tot 24 uur voor jou verblyf!
Kapasiteit: 4 persone
Inkloktyd: 14:00 tot 20:00
Uitkloktyd: 09:00
Adres: Natspat Eenheid 2, Lilliecrona Boulevard, Margate, 4276, KwaZulu-Natal
Alle ouderdomme is welkom
Vanaf R1 000 per nag (plek vir 4)

Beskrywing

Natspat is 'n gerieflike selfsorg-eenheid in 'n veilige kompleks. Die eenheid het 'n pragtige uitsig oor die see en dis stapafstand van die Margate- en Uvongo-strand af. Hierdie eenheid is onlangs opgeknap en het 'n lieflike stoep met 'n ingeboude braai, tafel en stoele. Hier kan jy rustig sit terwyl jy kyk hoe walvisse en dolfyne verby swem.

Hierdie selfsorg-eenheid het 2 slaapkamers, en kan 4 volwassenes en 2 kinders akkommodeer. Die hoofslaapkamer se skuifdeur lei na die stoep, en dit het 'n dubbelbed sowel as 'n en suite-badkamer met 'n stort en 'n toilet. Die tweede slaapkamer het 2 enkelbeddens. Daar is 'n dubbelslaapbank in die sitkamer. Die tweede badkamer het 'n bad en toilet. Daar is 'n enkelplaatgasstoof met 'n ketel en ligte tydens beurtkrag beskikbaar. Linne word voorsien, maar bring jou eie handdoeke, strandhanddoeke en vadoeke.

Daar is ook 'n TV met DStv, 'n oopplan-kombuis wat ten volle toegerus is, 'n eetarea en 'n sitarea wat op die stoep oopmaak.

Die eenheid het 2 onderdakparkeerplekke en daar is 'n swembad in die kompleks.

Kry ’n Kwotasie