Noordhoek Beachview Villa

Selfsorg

Soos Gesien op Instagram
Kapasiteit: 8 persone
Inkloktyd: 16:00 tot 22:00
Uitkloktyd: 10:00
Adres: Mountain-weg 9, Noordhoek, 7979, Wes-Kaap
Alle ouderdomme is welkom
Vanaf R7 500 per nag, vir 8 mense

Beskrywing

Noordhoek Beachview Villa is 'n luukse selfsorgvilla met 'n pragtige see-uitsig, soutwaterswembad en 'n warm atmosfeer. Dis net 'n entjie se stap vanaf Noordhoek se Longbeach, die Red Herring-sentrum, Monkey Valley en 'n verskeidenheid restaurante.

Die dubbelverdiepinghuis bied slaapplek aan 8 gaste en beskik oor 4 slaapkamers, 3 badkamers en 'n oopplan-kombuis en -leefarea. Die hoofslaapkamer het 'n koninggrootte-bed en 'n en suite-badkamer met 'n bad, toilet en 'n wasbak. Die tweede slaapkamer lei na die swembad en het 'n koninggrootte-bed en 'n en suite-badkamer met 'n stort, toilet en 'n wasbak. Dié 2 slaapkamers het ook direkte toegang tot buitestorte. Die derde slaapkamer het 'n koningingrootte-bed en die vierde slaapkamer het 'n dubbelbed. Dié slaapkamers is bo en gaste deel 'n badkamer met 'n bad en 'n stort. Daar is nog 'n badkamer met 'n stort langs die ingang.

Die sjefskombuis is met 'n gasstoof, elektriese oond, yskas-vrieskas, mikrogolfoond, eetgerei en breekware toegerus. Daar is ook 'n aparte opwaskamer met 'n skottelgoedwasser, wasmasjien en 'n tuimeldroër. Die sitarea langs die kombuis spog met 'n uitsig oor die see in die verte.

Die eetarea het sitplek vir 8 gaste en die tweede sitarea het 'n gemaklike rusbank en 'n platskerm-slim-TV, 'n DVD-speler en 'n musiekstelsel. Gratis WiFi word voorsien. Die leefarea lei aan die een kant na 'n kuierarea buite met sitplek en braaigeriewe, en aan die anderkant na 'n sondek met gemaklike buitemeubels en 4 sonstoele.

Kry ’n Kwotasie